باشقى بەترادىيو ۇعۇۇىشكەرلەرسۉرۅتتۅر
ىر-كۉۉلۅرسۉرۅتتۅركىلىپتەررادىيو بەرۉۉلۅرۉن تانداپ ۇعۇۇ
جاڭىلىقتار
اپتونوم رايونۇبۇز مادانئيات ىشتەرى مەنەن مادانئيات كەسبىن ۅنۉكتۉرۉنۉ باچىم تۉرتمۅكتۅپ، جۇرتچۇلۇققا انسايىن كۅپ نارپ جەتكىردى
   2018-01-12 19:45:12     xjbs   

   پارتئيانىن 19-قۇرۇلتاي بايانداماسىندا،  مادانئيات ىشتەرى مەنەن مادانئيات كەسبىنىن ۅنۉگۉۉسۉن تۉرتمۅكتۅۅ ورتوعو قويۇلدۇ. ۇچۇردا، اپتونوم رايونۇبۇز مادانئيات جاعىندا ەلگە نارپ جەتكىرۉۉنۉ ىچكەرلەي جولعو قويۇپ، جۇرتچۇلۇق مۉنۅزدۉۉ مادانئيات قىيمىلدارىن مولۇقتۇرۇۇ مەنەن بئر ۇباقىتتا مادانئيات كەسىبىن زورويتۇپ، مادانئيات ىشتەرىن ۅنۉكتۉرۉۉ ارقىلۇۇ كۅپتۅگۅن جۇرتچۇلۇققا نارپ جەتكىردى. ىستانسىيابىز قابارچىسى دۇڭ جىيۇڭ، ەرىكتۉۉ قابارچى لاززات، ۋاڭبئندەردىن قابارى.

   جاقىندا عانا اياقتاعان جاڭى جىل بايلانىشىنداعى قىسقا ەس الۇۇدا، ۉرۉمچۉ شاارىندا مادانئيات قىيمىلدارى ابدان شاڭعا بۅلۅنگۅن. شئنجاڭ كۉۉ سۉيۅرلۅر توبۇ دايىنداپ كەلگەن« جاڭى دوور، جاڭى ساپار» اتىنداعى 2018-جىلدىق جاڭى جىلدىق مۇزىكا كەچەلىگىندە، «لىياڭجۇ»عا وقشوش جۇڭگولۇن ۇلۇتتۇق كىلاسسىك مۇزىكالارى اتقارىلسا داعى بئر جاعىنان «اققۇۇ كۅلۉ»اتىنداعى چەت ەلدىن داڭقتۇۇ مۇزىكالارى دا اتقارىلعان.

    ۉرۉمچۉ شاارىنداعى كىتەپقانالاردا داعى «مادانئيات جۅنۉندۅ اڭگەمە قۇرۇۇ، «جااماتقا نارپ جەتكىرۉۉچۉ لەكسىيا»سىياقتۇۇ قىيمىلدار ۅتكۅرۉلۉپ، جۇرتچۇلۇقتۇن بئلىم ىيگەرۉۉسۉنۅ كۅپتۅگۅن تاندوولور مەنەن قامداعان. قۇر ەلە تىڭشاپ ىيگەرۉۉدۅن باشقا، پارتئيانىن 19-قۇرۇلتايىن قۇتتۇقتوو بويۇنچا شئنجاڭ قووز قات چىعارمالارى كۅرگۅزمۅسۉ دا ار ۇلۇت جۇرتچۇلۇعۇنا بئر مايدان تارتىمدۇۇ سالتاناتتۇ چوعۇلۇش تارتۇۇلاعان. ۉرۉمچۉ شاار تۇرعۇنۇ ياڭ شىياۋفاڭ: « جاقىندا مەن تاقمازا بازارى، سۉرۅت كۅرگۅزمۅسۉ داعى مۇزىكا كەچەلىگىن كۅرگۅلۉ باردىم، تۉرۉ دا ابدان كۅپ اندان كىيىن قۇرۇلما دەڭگەەلى دا ابدان جوعورۇ ەكەن. كۅرگۅندۅن كىيىن كۅپ ەلە بئلىمدەرگە ەە بولدۇق، مىندان كىيىن دا ۇشۇنداي كۅڭۉل اچۇۇ قىيمىدارىنىن كۅپ بولۇپ، بئزدىن كۉندۅلۉك تۇرمۇشۇبۇزدۇ بايىتۇۇسۇن ۉمۉت قىلابىز»، دەدى.

    جۇرتچۇلۇقتۇن كۉندۅلۉك تۇرمۇشۇن بايىتۇۇدان مۇردا، اپتونوم رايونۇبۇزدۇن جەرجەرلەرىندە داعى جۇڭحۇا ۇلۇتۇنۇن جۅرۅلگۅلۉۉ مادانئياتىن ۅرچۉتكۅن تۉردۉ قىيمىلداردى دا ىشتىكتۉۉ الىپ باردى. جاڭى جىل بايلانىشىنداعى قىسقا ەس الۇۇ كۉنۉندۅ، تىيانشان بوعدا كۅرك رايونۇندا جاڭى جىل كۅكتۅم مايرامىن ۇتۇرلاپ الۇۇ، قالوو-تىلەك ايتۇۇ قىيمىلىن ۅتكۅرگۅن. ىرعاقتۇۇ كىلاسسىك مۇزىكالار، ايباتتۇۇ دوولباس ۉنۉ، شاتتىققا بۅلۅنگۅن ارىستان بئيى، بوعدا كۅلۉ جەەگىنە جايعاشتىرىلعان ساحنادا، ۇرمات قاروولدورۇ ۅنۅ بويۇنا قۇپ جاراشتىرا  حانزۇچا ۇلۇتتۇق كىيىمىن كىيىپ، جۅرۅلگۅلۉ ۇسۇلۇپتا ۇرماپ بئلدىرىپ، قالوو-تىلەك ايتۇۇ ىرىن وقۇدۇ. ساياقاتچىلار دا بايما-باي تۉردۅ جاڭى جىلدىق قالوو-تىلەكتەرىن ايتىشتى. ۉرۉمچۉلۉك ساياقاتچى ما ۋىيۋىي: « ار جىلى دەگىدەي بوعدا كۅلۉ جەەگىنە كەلىپ قالوو-تىلەك ايتىپ، ماملەكەتىبىزدىن داعىدا كۉچتۅنۉپ-گۉلدۅنۉسۉنۅ تىلەك ايتام»، دەسە، شاندۇڭدان كەلگەن ساياقاتچى ۋاڭ مىيلان: « جۅرۅلگۅلۉۉ مادانئيات قىيمىلىنا بئرىنچى جولۇ قاتىشىپ، ماانئىسىنىن ابدان تەرەڭ ەكەنىن سەزدىم، ماملەكەتىبىزدىن جۅرۅلگۅلۉۉ مادانئياتىن ۅرچۉتۉۉ مەنەن بىرگە داعى بئر جاعىنان قووز شئنجاڭدى  كۅرۉنۉكتۅندۉرۉپتۉر، مەن ماملەكەتىبىزدىن تىنچ-بەيپىل، قۇدىرەت تااپ، قووز شئنجاڭدان بارعانسايىن جاقشىلانۇۇسۇن ۉمۉت قىلام» دەدى.

     تۉركۉن-تۉستۉۉ فورماداعى قىيمىلدارى ۅتكۅرۉپ جۇرتچۇلۇقتۇن رۇحۇ مادانئيات تۇرمۇشۇن بايىتىپ ەلە قالباي، جۇڭحۇانىن جۅرۅلگۅلۉۉ مادانئياتىن ۅرچۉتۉپ، وشوندوي ەلە مادانئيات كەسبىن زور داراجادا ۅنۉكتۉرۉپ، ار ۇلۇت جۇرتچۇلۇعۇنا انسايىن كۅپ نار جەتكىرگەن. كۉنۅس وودانى ۅزگۅچۅلۅگۉ ايقىن بولعون ەلدىك مادانئيات كۅركۅم-ۅنۅر جۇرتۇ دەگەن اتاعى بار، مۇردا «ماملەكەتتىك مادانئيات جاعىندا وزوت وودان»دەگەن ارداقتۇۇ اتاق ىيعارىلعان. ۅتكۅن جىلى جىل سوڭۇندا، كۉنۅس وودانى از ساندۇۇ ۇلۇتتاردىن جۅرۅلگۅلۉۉ قول-ۅنۅرمۅنچۉلۉگۉن قورعوو جانا ۅنۉكتۉرۉۉ سىناق تۉيۉن تۉرۉن جولعو قويۇپ، جەرگىلىكتەگى كەرقانالاردى سۇنۇش قىلىپ از ساندۇۇ ۇلۇتتاردىن قول-ۅنۅر بۇيۇمدارى، ماشئنا كەشتە تىگۉۉ، كىيىم تىگۉچۉلۉك سىياقتۇۇ كۇرس كىلاستارىن ۇيمداشتىرىپ، الدى-ارتى بولۇپ ەكى مەزگىلدە جالپى 300دۅي قىشتاق تۇرعۇنۇ كۇرسقا قاتىشىپ، ۅكۉمۅت داعى ار بئر كۇرسانقا كۉنۉنۅ 35 يۇاندىق تولۇقتاما قارجى تاراتقان. بۇل بئر قانچا كۉندۅ، تۇنعۇچ تۉركۉمدۅگۉ كۇرسۇ اياقتاشىپ، 50 دۅي قىشتاق تۇرعۇنۇ كەرقانا قىزماتىنا جەڭىشتۉ كىرىشكەن، مىندا ۉي-بۉلۅسۉندۅ قىيىنچىلىعى بارلارى كۅپ ساندۇۇسۇن ەەلەگەن. كۉنۅس وودانى كەنسۇۇ بازارى كۅكتۅبۅ قىشتاعىنىن تۇرعۇنۇ گۉلاينا نۇرسالبەك : « مەن مۇردا قاراپايىم ۉي ايالى ەلەم، كۇرسقا قاتىشىپ كۅپتۅگۅن بىلىمدەردى ۉيرۅنگۅندۅن كىيىن، بۇل جەردەگى شەرىكتىككە كىرىپ جۇمۇش ىشتەپ جاتام، جاقشى ىشتەسەم ايىنا 800 يۇاندان 2مئڭ يۇانعا چەيىن مايانا الام، قىزمات وردۇم بار بولۇپ تەز ەلە كەمباعالدىقتان ارىلىپ بايۇۇ جولۇنا باساتۇرعان بولدۇم»، دەدى.

     ۇچۇردا، كۉنۅس وودانى ەلدىك ەتنوگرافىيالىق مادانئياتتى قازۇۇ مەنەن تۉردۉ اچىپ ۅنۉكتۉرۉنۉ باچىمداتىپ، قازاقتاردىن ەتنوگرافىيالىق مادانئياتى مەنەن ساياقاتچىلىعىن تىعىز بئرگەلەشتىرىپ، كەمباعالدىقتان ارىلتۇۇ كۉرۅشۉ  قىزماتى مەنەن بئرگەلەشتىرگەن. ىلە شانحۇي توقۇماچىلىق كىيىم-گەچە چەكتۉۉ جووپتۇۇلۇق شەرىكتىگىنىن كۉنۅس وودانىنداعى جووپتۇۇسۇ تالىپ ابدۇبەك: « بئز مول ۅزگۅچۅلۉككۅ ەە مادانئيات بايلىعىن وزوت ۅزگۅچۅلۉككۅ ەە مادانئيات كەسىبىنە ايلاندىرىپ، كۇرۇس ورۇنداشتىرۇۇ مەنەن كەمباعال تۉتۉندۅردۉ جۇۇرۇلۇشتۇرۇۇ ىقماسىندا قىيىنچىلىعى بار جۇمۇشچۇلارعا ۅنۅر ۉيرۅتۉپ، كىرەشەسىن ارتتىرىپ بايۇۇ جولۇنا جەتەكتەدىك» دەدى.

بايلانىشتۇۇ ماقالا
ىرلار
سايتتىن باسما ۇقۇعۇ شئنجاڭ ەل رادىيو ئستانسىياسىنا تااندىق
بۇل سايتتان ۇرۇقساتسىز ماالىمات الۇۇعا بولبويت.