باشقى بەترادىيو ۇعۇۇىشكەرلەرسۉرۅتتۅر
ىر-كۉۉلۅرسۉرۅتتۅركىلىپتەررادىيو بەرۉۉلۅرۉن تانداپ ۇعۇۇ
جاڭىلىقتار
قىشتاقتاردى داعىدا قووز قىلىپ قۇرۇپ چىعۇۇبۇز كەرەك
   2017-10-11 12:43:33     xjbs   

      قاقىر تالاادان باقچالۇۇ قىشتاققا چەيىن، قىشتاق تۇرعۇندارىنىن چىمىرقانۇۇسۇندا، گۇچىڭ وودانى بئلۇحى بازارى باتىش تالاا قىشتاعى اقىرىن-اقىرىن ساياقاتچىلىق، كۅركتۅن ۉزۉر الۇۇ، ەس الۇۇ بئر تۇلقۇلاشقان قووز ايىل قىشتاعىنا ايلانىپ، ايىلداشتاردىن چۅنتۅگۉ قامپىيدى. ىستانسىيابىز قابارچىسى جىنلەيدىن قابارى:
       «جەتىنىن ايىنىن 1-كۉنۉ»ندۅكۉ ەس الۇۇ مايرامى مەزگىلىندە باتىش تالاا قىشتاعى اياباي دۇۇمانعا تولدۇ، ارقايسى جەرلەردەن كەلگەن ساياقاتچىلار بۇل جەرگە چوعۇلۇپ، گۉلدۅن ۉزۉر الىپ، كۅركۅم كۅرنۉشتۅردۉ كۅرۉپ، جاڭىچا ايىل-قىشتاق كەبەتەسىنەن تۇيۇنۇشتۇ. تازا، جارقىراعان دىيقاندار شاتتىعى قورووسۇ، تۉپ-تۉز جاتقىرىلعان قاراماي جولدور، ۅزگۅچۅ مادانئيات ايانتى، دىيقاندار شاتتىعى ۇزۇن كارىدورۇ، مۅمۅ جانا جاشىلچالاردى جىيىپ الۇۇ باقچاسى قاتارلۇۇلار ساياقاتچىلارعا شااردىن ىزى-چۇۇسۇنان الىس، ەمىن-ەركىن ەس الۇۇ باعىشتادى. سانجى شاارىنان كەلگەن يان لوڭشۅ ۉي-بۉلۅۅسۉندۅكۉلۅر دىيقاندار شاتتىعى قورووسۇندا ەكى كۉن تۇرۇپ، جاڭى مۅمۅ جانا جاشىلچالاردى جۇلۇپ، دىيقانداردىن جەرگىلىك تاماقتارىنان جەپ،  كۅڭۉل اچىشتى. يان لوڭشۅ:-ىلگەرى بۇل جەرلەر قىپىنداي چۅپ ۅسبۅگۅن قاقىر تالاا ەلە، بئر قانچا ون كىلومەتىر باسقاندا انان بئر تال داراق كۅرۉنۉچۉ، ازىر بۇل جەردە جاڭىچا قىشتاقتار كۅبۅيۉپتۉر، سوتسىيالىستىك جاڭى قىشتاقتار كەرەمەت سونۇن ەكەن!-دەيت.
     بىيىل، گۇچىڭ وودانى«باقماچىلىق-ەگىنچىلىك تۉتۉندۅر+قىزماتتاشتىق كوپىراتىبى»قاتارلۇۇ ەگىنچىلىك مەنەن باقماچىلىك ۅزارا جۇۇرۇلۇشقان ىڭعايىدى جىلىشتاتتى، باتىش تالاا قىشتاعىنىن تۇرعۇنۇ ما لانفاڭ  100 ۇرعااچى ۇي ساتىپ الىپ، باقماچىلىق ىشتەرىن ۅنۉكتۉردۉ. ازىر 90پايىز ۇرعااچى ۇي جەڭىشتۉۉ ناسىلدەندىرىلىپ، باقماچىلىق شارتى، نەگىزگى جابدۇۇلارى جاقشىرىپ، ما لانفاڭدى مىندان كىيىنكى ۅنۉگۉۉ ىشەنىمىنە ەە قىلدى. ما لانفاڭ مىنداي دەدى:-بئزدىن قىشتاقتا ۅزگۅرۉش زور بولدۇ، قىشتاق تۇرعۇندارىنىن تۇرمۇش دەڭگەلى داعى بارعانسايىن جوعورۇلادى، بئزدىن ۉيدۅكۉلۅر ازىر 100 ۇي باعىپ جاتات، جىلىنا 100مئڭ يۇاندان اشۇۇن كىرەشە كىرەت.
     بئر قانچا جىلدىن الدىندا قاقىرتالاا جاعدايىندا تۇرعان باتىش تالاا قىشتاعى بۉگۉنكۉ كۉندۅ 5مئڭ موولۇق اسىل ساپاتتۇۇ اتىزعا ۅزگۅرۉپ، باقچالۇۇ قىشتاق بااردىققا كەلدى. 70 جاشتان اشقان ماملەكەتتىك ەمگەك ۉلگۉسۉ، قىشتاق پارتئيا ياچايكا شۇجئسى ما گولئياڭ مىنداي دەدى:-مىندان كىيىنكى ۅنۉگۉپ-ۅزگۅرۉۉلۅر انسايىن تەز بولوت. بىيىل بئز 5،6 ەس الۇۇ-كۅڭۉل اچۇۇ وردۇن قۇرۇپ، قىسقا عانا بئر ايدان اشۇۇن ۇباقىت ىچىندە ەلە ۅنۉمۉن كۅردۉك. پارتئيا 19-قۇرۇلتايى اچىلۇۇ الدىندا تۇرات، ەلگە نارىپ جەتكىرۉۉ ساياساتتارى بارعانسايىن كۅبۅيدۉ، بئز بۇل مۅرتتۉ بەكەم قارماپ، قىشتاقتاردى داعىدا قووز قىلىپ قۇرۇپ، ساياقات، كۅرك رايون، ەس الۇۇ بىرگەلەشكەن قووز قىشتاقتى جاراتىپ، ئش جۉزۉندۉك اراكەتىبىز ارقىلۇۇ پارتئيا 19-قۇرۇلتايىنا بەلەك تارتۇۇلايبىز!

بايلانىشتۇۇ ماقالا
ىرلار
سايتتىن باسما ۇقۇعۇ شئنجاڭ ەل رادىيو ئستانسىياسىنا تااندىق
بۇل سايتتان ۇرۇقساتسىز ماالىمات الۇۇعا بولبويت.