باشقى بەترادىيو ۇعۇۇىشكەرلەرسۉرۅتتۅر
ىر-كۉۉلۅرسۉرۅتتۅركىلىپتەررادىيو بەرۉۉلۅرۉن تانداپ ۇعۇۇ
جاڭىلىقتار
كۅپچۉلۉككۅ ۉلگۉ بولۇپ چوعۇۇ العا ىلگەرلەگەن تەحنىكا چەبەرى روزۇمەمەت باقى
   2017-10-11 12:39:29     xjbs   


 20 جىلدان اشۇۇن تالىقباي چىمىرقانۇۇ ارقىلۇۇ، رۇزۇمەمەت باقى قىشتاقتاعى بئر جۅنۅكۅي جگىتتەن، ماملەكەتتىك وزوت كومپارتئيا مۉچۅسۉ، «ماملەكەتتىك ەمگەك ۉلگۉسۉ»، جۇڭگو نەفىتچىلىگى بويۇنچا تەحنىكا چەبەرى ادئسىنە ايلانعان. ىستانسىيابىز قابارچىسى دۇحاۋنۇن قابارى.

  شئنجاڭ نەفىت تالاسى وور ۅنۅرجايعا ىشتەتىلۉۉچۉ نەفىتتى اچىپ-ۅنۉكتۉرۉۉ شەرىكتىگىنىن جۇمۇش الىپ بارۇۇ بەشنچى رايونۇ، نەفىت قازۇۇ التىنچى وچاستىكاسىنىن باشچىسى رۇزۇمەمەت باقى جۅنۉندۅ سۅز بولعوندو، انىن ايلاناسىنداعى كىشىلەردىن ىچىنەن مويۇندابايتۇرعانى جوق. ال ۅزدۉگۉنۅن ۉيرۅنۉپ تولۇق كۇرس وقۇۇ تارىحىنا ەە دەپلومدۇ العاندان سىرت، قىزمات بارىشىندا تالىقباي ىزىلدەنۉۉ ارقىلۇۇ اتى الىسقا تاراعان تەحنىكا چەبەرىنە ايلانىپ، الدى-ارتى بولۇپ 16 تۉردۅ ماملەكەت پاتەنت ۇقۇعۇ جەتىشكەندىكتەرىنە ەە بولعون.
 كۅپچۉلۉككۅ جاردام بەرىپ كەسىپ جاعىندا چوعۇۇ ىلگەرلۅۅ ۉچۉن، رۇزۇمەمەت باقى جىلعىن نەفىت ىنتەرنەت جايىتىن قۇرۇپ، ون قانچا جىلدىق چىمىرقانۇۇسۇنۇن ارقاسىندا، ىنتەرنەت جايىتىنا 13 مىڭدەن اشۇۇن ابونەنت قاتتالىپ، ىنتەرنەتكە كىرۉۉ مۅلچۅرۉ 400 مئڭ كىشى ىرەەتتەن اشقان. شئنجاڭداعى نەفىت تالاسى چۅيرۅسۉندۅ، جىلعىن نەفىت ىنتەرنەتى ەچاق ەلە كۅپچۉلۉكتۉن نەفىت قۇدۇعۇن چالعىندوو ماتەرىيالىن ىلىكتۅۅدۅگۉ الدىن تاندايتۇرعان ىنتەرنەت جايىتىنا ايلانعان. شئنجاڭ نەفىت تالاسى  وور ۅنۅرجايعا ىشتەتىلۉۉچۉ نەفىتتى اچىپ-ۅنۉكتۉرۉۉ شەرىكتىگىنىن ماشقۇلات بەشنچى رايونۇ، نەفىت قازۇۇ التىنچى كىلاسىنىن جۇمۇشچۇسۇ گۉزەلنۇر ابدىكەرىم : « مەن چۅنتۅك تەلەفون ارقىلۇۇ جىلعىن نەفىتى ىنتەرنەت جايىنا چىعىپ ماتەرىيال ىزدەپ، بئر ايدان اشۇۇن ۉيرۅنۉۉ ارقىلۇۇ، جوعورۇ داراجالۇۇ ىنجەنەر اتاعى سىنووسۇنان ۅتتۉم»، دەيت.
  رۇزۇمەمەت باقى  كۅپچۉلۉكتۉن كەسىپ جاعىنداعى ىلگەرلۅۅسۉنۅ ەلە جاردام بەرگەندەن تىشقارى، ال داعى كۅپچۉلۉكتۉ ئدىيا جاعىنان دا ىلگەرلۅۅسۉنۅ جەتەكچىلىك قىلىپ، پارتئيا مۉچۅسۉ قاتارى،  ۅزدۉگۉنۅن پارتئيا قۇرۇلۇشۇ شىبىر سۅز ۅرۉشۉن قۇرۇپ، پارتئيانىن ۉنۉن جەتكىرگەن. ۇلۇتتار ىنتىماقتۇلۇعۇ وڭ ەنەرگىياسىن داعىدا جاقشى تاراتۇۇ ۉچۉن، ال الدى-ارتى بولۇپ ىنتىماق بوربوردۇق كومتەتى، بۉت ماملەكەتتەگى ارقايسى ۅلكۅ شاار، بۉت شئنجاڭدىن ارقايسى جەرجەرلەرىندەگى ايماق، وبلاستاردا 130 مايدان ىرەەت ۉگۉت الىپ بارعان. رۇزۇمەمەت باقى : « پارتئيا مەنەن ۅكۉمۅتۉبۉز مەنىن ۅسۉپ-جەتىلۉۉمۅ كۅپتۅگۅن ەمگەكتەردى سئڭىردى، وشوندۇقتان مەن ۅزۉمدۉن ەڭ جاقشى اراكەتتەرىم ارقىلۇۇ قوومعو جاقشى جووپ قايتارۇۇ ويۇم بار»، دەيت.

بايلانىشتۇۇ ماقالا
ىرلار
سايتتىن باسما ۇقۇعۇ شئنجاڭ ەل رادىيو ئستانسىياسىنا تااندىق
بۇل سايتتان ۇرۇقساتسىز ماالىمات الۇۇعا بولبويت.