باشقى بەترادىيو ۇعۇۇىشكەرلەرسۉرۅتتۅر
ىر-كۉۉلۅرسۉرۅتتۅركىلىپتەررادىيو بەرۉۉلۅرۉن تانداپ ۇعۇۇ
جاڭىلىقتار
جۇ حايلۉن قاشقار جاڭى شاار وودانىندا جۇرتچۇلۇق قىزماتى بويۇنچا تەكشەرۉۉدۅ بولدۇ
   2017-10-11 12:37:14     xjbs   

ىستانسىيابىز قابارى:

  توعۇزدۇن ايىنىن 9-كۉنۉ، اپتونوم رايوندۇق پارتكومدۇن ورۇنباسار شۇجئىسى، ساياسئي-زاكون كومتەتىنىن شۇجئىسى جۇ حايلۉن قاشقار ايماعىنىن قاشقار جاڭى شاار وودانىندا جۇرتچۇلۇق قىزماتى بويۇنچا تەكشەرۉۉدۅ بولدۇ.
  التىن كۉز مەزگىلىندەگى وكتابىر جە جەتىنىن ايىندا، جۉگۅرۉ مەنەن پاحتانى ورۇپ-تەرۉۉ جانا كۉزگۉ بۇۇدايدى قىزۇۇ ايداپ جاتقان مەزگىلى بولعوندۇقتان، تۉشتۉك شئنجاڭدىن جەرجەرلەرى كۉزگۉ كۉرۅش ماالىنا كىرگەن. قاشقار جاڭى شاار وودانى تازعۇن ايىلى مەنەن ياپچان بازارىندا، جۇ حايلۉن تۅتۅ ەلە جول بويۇنداعى قىشتاق تۇرعۇندارىنىن ۉيۉنۅ كىرىپ بارىپ، جۇرتچۇلۇقتۇن ۅندۉرۉش-تۇرمۇش ابالىن ىچكەلەي سۇرامجىلادى. تازعۇن ايىلىنىن ايىل اراسىنداعى تاشجولدو، جۇ حايلۉن اپتوو ۇناادان تۉشۉپ، جولدو ەلە  تىراكتور ساندىعىنا تولتۇرا جۉگۅرۉ باساڭىن باسىپ ايداپ كەتىپ باراجاتقان قىشتاق تۇرعۇنۇ مەنەن كۅرۉشۉپ، بىيىلقى دىيقانچىلىقتان كىرگەن كىرەشە ابالىنىن قانداي ەكەنىن، ۉيۉندۅگۉ جۉگۅرۉسۉن ورعون-وربوعونۇن، كۉزدۉك بۇۇدايدى ايداعان-ايداباعانىن ىچكەلەي سۇرامجىلاعاندا، قىشتاق تۇرعۇنۇ : - قشىتاقتاعى« ەل ابالىن بئلۉۉ، ەلگە نارپ جەتكىرۉۉ، ەل كۅڭۉلۉن الۇۇ» بويۇنچا قىشتاقتا تۇرۇشتۇۇ قىزمات اتىرەتىنىن جاردامىندا، ۉيۉندۅ ايداعان جۉگۅرۉسۉنۉن باردىعىن ماالىندا ورۇپ بۉتۉپ، بۇل بئر قانچا كۉندۅن بەرى جۉگۅرۉ باساڭىن ۉيۉنۅ تاشىپ قىشقا قام كۅرۉپ سئلۇس جاساپ وشونۇ مەنەن بئرگە كۉزدۉك بۇۇدايىندا ماالىندا ايداپ بۉتكۅنۉن ايتتى.

   جۇ حايلۉن ياپچان بازارى تالقۇرۇق قىشتاعىندا قىشتاق تۇرعۇنۇ ۅمەرجان مەمەتتىن ۉيۉنۅ بارعاندا، قورووسۇنۇن ئچىن تاپتازا تازالاپ، اقتاپ بۉتكۅن جۉگۅرۉسۉن دۅبۅلۅپ ۉيۉپ قويعونۇن، قوي قورووسۇنداعى 200 دۅي قويدۇن بئرىنەن-بئرى جارىشىپ چۇرقۇراپ مااراعانىن ۇعۇپ تۇردۇ. ۅمەرجان مەمەت : - ۉيۉندۅ ەكى قاچالوو جۉك باسۇۇماشئناسىنىن بار ەكەنىن، داعى جۉگۅرۉدۅن تويۇتتۇق جاساپ مالعا بەرىپ، جىلىنا قانچا جۉز مئڭ يۇاندان كىرەشە كىرگىزەتۇرعانىن ايتتى. جۇ حايلۉن قۇبانعانىنان : - ازىر پارتئيانىن ساياساتى ابدان جاقشى، وڭۇتتۇ قولدون بەربەي، ۅزدۅرۉنۉن قوش قولۇنا سۅۅنۉپ جاقشى كۉن ۅتكۅرۉسۉن ايتتى.
 قىشتاق تۇرعۇنۇ ارزىگۉل مەمەت بئر چاقان اشقانا اچقان بولۇپ، سووداسىنىن قىيلا جاقشى ەكەنىن، ۉيۉندۅ ۇچۇردا جاڭىدان سالعان ۉيۉن جاسالعالاپ جاتقانىن، ۅزۉنۉن بئردەن-بئر باشىن وورتۇپ تۇرعانى، بالاسىنىن زاكونعو قايچىلىق قىلۇۇسۇ سەبەپتۉۉ كەسىم كەسىلىپ، ەلدىن بەتىن قاراي الباي ابدان قىجالاتتا تۇرعانىن وشوندوي ەلە نەبىرەسىنىن كىيىنكى وقۇۇسۇنۇن تااسىرگە ۇچۇرايتۇرعانىنان قاتۇۇ قادىكسىنىپ جاتقانىن ايتقاندا، جۇ حايلۉن : - بالاڭىز زاكونعو قايچىلىق قىلعاندىقتان زاكوندۇن جازااسىنا ۇچۇراپ كەسىم كەسىلىپتىر، بئروق ۉي-بۉلۅڭۅردۅگۉ باشقا جاندار داعى ەلە بئزدىن قاراپايىم تۇرعۇندارىبىز، ۅكۉمۅت سىلەرگە كۅڭۉل بۅلۅت، ەگەردە تۇرمۇشتا قانداي قىيىنچىلىق بولسو، نەگىزگى قاتمارداعى پارتئيا ۇيۇمۇ ايلا قىلىپ جاردام بەرەت، مىندان كىيىن ۉيۉڭۅردۅگۉ باشقا بالدارىڭاردىن وقۇۇسۇ، جۇمۇشقا ورۇنداشۇۇسۇ ەچقانداي تااسئىرگە ۇچۇرابايت، دەپ كۅڭۉلۉن جۇباتتى. جۇ حايلۉندۉن سۅزۉن تىڭشاعاندان كىيىن، ارزىگۉل مەمەت تااسئىرلەنىپ : - بالامدى جاقشى تاربئيالاي الباي قالعانىمان ابدان ۅكۉنۅم، مىندان كىيىن بۇل ىشتەن جاقشى ساباق الىپ، ۉيدۅگۉ باشقا بالدارىمدى جاقشى تاربئيالايىم وشونۇ مەنەن اباقتىداعى بالامدىن تاربئيالاپ ۅزگۅرتۉۉنۉ جاقشى قابىلداپ، ەرتەرەەك ۉيگۅ قايتىپ كەلۉۉسۉن كۉتۅم، دەدى.

   جۇ حايلۉن الدى-ارتى بولۇپ كۅپتۅگۅن كەمباعال تۉتۉندۅردۉن ۉيلۅرۉنۅ بارىپ، الاردىن ىنتىماقتۇۇ، وموقتۇۇ قىرداالدىن قادىرىنا جاقشى جەتىپ، جاپالۇۇ ەمگەكتەنۉۉ ارقىلۇۇ كەمباعالدىقتان ارىلىپ بايۇۇ جولۇنا باسۇۇسۇنا شىق بەردى. ال مىنا بۇلاردى باسا بەلگىلەدى: ار داراجالۇۇ پارتكوم، ۅكۉمۅت جولدوش شئ جئنپىڭدى ۅزۅك قىلعان پارتئيا بوربوردۇق كومتەتى بەكىتكەن شئنجاڭدى باشقارۇۇ ىقمى مەنەن شئنجاڭ قىزماتى باش نئشاانىنىن قاتاڭ تالابى بويۇنچا، ار داراجالۇۇ كادىرلار نەگىزگى قاتمارعا ىچكەرلەي چۅگۉپ، كۅتۅرۅگۅ العان تۇرۇشتۇۇ قىشتاعى، كۅتۅرۅگۅ العان تۉتۉندۅر مەنەن قول قارماشىپ، دىلدەش بولۇپ جۇرتچۇلۇق قىزماتىن جاقشى ىشتۅۅسۉن جىلىشتاتۇۇ كەرەك. ۇچۇرداعى ماال ناق كۉزگۉ جىيىم-تەرىم، كۉزگۉ ەگىنچىلىكتىن شاشىلىش مەزگىلى بولعوندۇقتان، ار داراجالۇۇ نەگىزگى قاتمار ۇيۇمۇ مەنەن  « ەل ابالىن بئلۉۉ، ەلگە نارپ جەتكىرۉۉ، ەل كۅڭۉلۉن الۇۇ» بويۇنچا قىشتاقتا تۇرۇشتۇۇ قىزمات اتىرەتى ايىل-قىشتاقتارعا تەرەڭدەي چۅگۉپ، كۅتۅرۅگۅ الىپ بايلانىش جاساعان ۉي-بۉلۅلۅردۉن ابالىن ىچكەرلەي ەەلەپ، كۉزگۉ جىيىم-تەرىمىنە جاردامداشىپ، جۇرتچۇلۇق قىزماتىن اتىز-ارىق باشىنا چەيىن بارىپ جاقشى ىشتۅۅسۉ كەرەك. قىشتاق تۇرعۇندارىنىن اجاتىن ماالىندا ىيگەرىپ، كەمباعالداردى جۅلۅپ قىيىنچىلىعى بارلارعا جاردام بەرۉۉ قىزماتىن چىن نەەت مەنەن جاقشى ىشتەپ، پارتئيانىن مەەرىمى مەنەن قامقوردۇعۇن جۇرتچۇلۇقتۇن جۉرۅك تۉپكۉرۉنۅ جەتكىرىپ، شايكەشتۉۉ، وموقتۇۇ چۅيرۅ ارقىلۇۇ پارتئيانىن 19-قۇرۇلتايىنىن جەڭىشتۉۉ اچىلۇۇسۇن ۇتۇرلاپ الۇۇ كەرەك.

بايلانىشتۇۇ ماقالا
ىرلار
سايتتىن باسما ۇقۇعۇ شئنجاڭ ەل رادىيو ئستانسىياسىنا تااندىق
بۇل سايتتان ۇرۇقساتسىز ماالىمات الۇۇعا بولبويت.