باشقى بەترادىيو ۇعۇۇىشكەرلەرسۉرۅتتۅر
ىر-كۉۉلۅرسۉرۅتتۅركىلىپتەررادىيو بەرۉۉلۅرۉن تانداپ ۇعۇۇ
جاڭىلىقتار
ۉرۉمچۉ شاارىندا، شاار- بازار جۇمۇشچۇ-قىزماتچىلارىنىن اقىسىز دەن سوولۇعۇن تەكشەرتۉۉ قىزماتى چىنىعى تۉردۅ قوزعوتۇلدۇ
   2017-10-11 12:01:10     xjbs   

  44 جاشتاعى ۇۋ چۉنيان ماملەكەت مايرامىنداعى ەس الۇۇدا شئنجاڭ مەدىتسىنا ۇنىۋەرسىتەتى سالاماتتىقتى باشقارۇۇ وردۇنا بارىپ 30 تۉر بويۇنچا دەن سوولۇعۇن تەكشەرتتى، 609.28 يۇاندىق دەن سوولۇعۇن تەكشەرۉۉ تۉرۉنۅ قاتىشىپ ۅزۉ تەك قاعا 9.28 يۇان تۅلۅگۅن، قالعان 600 يۇانى دارىلانۇۇ قامتاماسىزداندىرۇۇ فوندۇ تارابىنان تۅلۅنگۅن.

   قوومدۇق قامتاماسىزداندىرۇۇنۇن ەلگە نارىپ جەتكىرۉۉ قۇرۇلۇشۇن بئردەمجىي جاقشى جولعو قويۇۇ ۉچۉن، ۉرۉمچۉ شاارى جەتىنىن ايى جە 10- ايدىن 1- كۉنۉنۅن باشتاپ، ۉرۉمچۉ شاارى شاار- بازار جۇمۇشچۇ-قىزماتچىلارى نەگىزگى دارىلانۇۇ قامسىزداندىرۇۇسۇنا قاتىشسا، وشوندوي ەلە قوومدۇق قامتاماسىزداندىرۇۇعا قاتىشىپ ەكى جىل ىچىندە دوقتۇرقاناعا جاتپاعان شاار- بازار جۇمۇشچۇ- قىزماتكەرلەرى جانا ەركىن جۇمۇشتانىپ قامتاماسىزداندىرۇۇعا قاتىشقاندار، بەلگىلەنگەن دەن سوولۇق تەكشەرتۉۉ وردۇندا اقىسىز دەن سوولۇعۇن  تەكشەرتسە بولورۇن، دەن سوولۇعۇن تەكشەرتۉۉ اقىسىن قوومدۇق قامتاماسىزداندىرۇۇ فوندۇ چىعاراتۇرعان ساياساتتى چىعارعان. بىيىلتان باشتاپ 2018- جىلى جەتىنىن ايى جە 10- ايدىن 1- كۉنۉنۅ چەيىنكى دەن سوولۇق تەكشەرتۉۉچۉلۅرگۅ كىشى باشىنا ورتو ەسەپ مەنەن 600 يۇاندىق ۅلچۅم اتقارىلات ەكەن.

  تەكشەرىپ ىزىلدۅۅ ارقىلۇۇ، 17 ۉچۉنچۉ داراجاداعى دوقتۇرقانا، 16 ەكىنچى داراجاداعى دوقتۇرقانا دەن سوولۇق تەكشەرۉۉنۉ ۅستۉنۅ الىپ، 9 چوڭ تۉر 72 مايدا تۉر بويۇنچا دەن سوولۇق تەكشەرۉۉ بەكىتىلگەن. ار قايسى بەلگىلەنگەن تۉيۉندۉۉ دوقتۇرقانالاردىن قولدووسۇندا، دەن سوولۇق تەكشەرتۉۉ تۉر مازمۇنۇنداعى تۉرلۅردۉن باارى ۅنۉكتۉرۉۉ جانا ىسلاات كومىتەتى بەكىتكەن باانىن نەگىزىندە 60 پايىزدىق جەڭىلدىك بەرىلگەن. مىندايچا ايتقاندا، 600 يۇان مەنەن 1000 يۇاندىق دەن سوولۇق تەكشەرتۉۉ ۅلچۅمۉنۅن باارلانا الات ەكەن.

   جەتىنىن ايى جە 10- ايدىن 7- كۉنۉنۅ چەيىنكى ساندۇۇ ماالىماتتا كۅرسۅتۉلۉشۉنچۅ، 1500 دۅن اشۇۇن قامتاماسىزداندىرۇۇعا قاتىشقان جۇمۇشچۇلار شاار- بازار جۇمۇشچۇ-قىزماتكەرلەرىنىن اقىسىز دەن سوولۇق تەكشەرتۉۉگۅ قاتىشقان.

  ۇۋ چۉنيان مىنداي دەدى: مەن ايالداردىن 4- تۉردۅگۉ دەن سوولۇق تەكشەرتۉۉسۉن تاندادىم، تەكشەرۉۉ تۉرۉ كۅپ، ارى ابدان ارزان، TCT سىياقتۇۇ ايالدار وورۇسۇن تەكشەرۉۉ تۉرلۅرۉ بار، چىنىندا ابدان جاقشى بولدۇ. ال توعۇزدۇن ايى جە 9- ايدىن 27- كۉنۉ تەلەفون ارقىلۇۇ الدىن كەلىشكەن، انىن ۇباقىتىنا قاراتا دوقتۇرقانا ۇچۇر ارقىلۇۇ جەتىنىن ايى جە 10- ايدىن 1- كۉنۉ ساات 9 جارىمدا دوقتۇرقاناعا كەلىپ دەن سوولۇعۇن تەكشەرتۉۉسۉن ۇقتۇرعان. دەن سوولۇعۇن تەكشەرتۉۉ الدىندا، قىزماتكەرلەر انىن نەگىزگى اجاتىن سۇرامجىلاپ، اعا ار قايسى دەن سوولۇعۇن تەكشەرۉۉ تۉرلۅرۉن تاانىشتىرىپ، ىلايىقتۇۇسۇن تاندووسۇنا جاردام بەرگەن.

  شئنجاڭ مەدىتسىنا ۇنىۋەرسىتەتى سالاماتتىقتى باشقارۇۇ وردۇ ۉرۉمچۉ شااردىق ادام كۉچۉ بايلىعى جانا قوومدۇق قامتاماسىزداندىرۇۇ  وردۇ بەكىتكەن دەن سوولۇق تەكشەرتۉۉ تۉر تىزمەسىنە نەگىز، ەرلەرگە ىلايىقتۇۇ ۉچ جۉرۉش دەن سوولۇق تەكشەرتۉۉ تۉرۉن، ايالدارعا ىلايىقتۇۇ 5 جۉرۉش دەن سوولۇعۇن تەكشەرتۉۉ تۉرۉن بەكىتكەن. سالاماتتىقتى باشقارۇۇ وردۇنۇن ورۇنباسار باشچىسى ۋاڭ شۇشئيا مىنداي دەدى: تەكشەرۉۉ تۉرۉ شئنجاڭدا كۅپ كۅرۉلۉۉچۉ وورۇلار، دايىم كۅرۉلۉۉچۉ وورۇلار، سوزۇلمالۇۇ وورۇلارعا نەگىز الدىن تانداپ تەكشەرۉۉ، الدىن مۉنۅزدۅۅ الىپ بارىپ، ار بئر تەكشەرۉۉ جۉرۉشۉ نەگىزگى دەن سوولۇق تەكشەرۉۉ تۉرۉن قامتىعان، اندان كىيىن ار قايسى تۉرگۅ كۅڭۉل بۇرعان، مئسالى ۅسمۅ وورۇلار تۉرۉ، تاماق سىڭىرۉۉ سىستەما تۉرۉ، جۉرۅك قان تامىر تۉرۉ، تۇرمۇشقا چىققان ايالدار تۉرۉ سىياقتۇۇلار. كىيىن داعى قوومدۇق قامتاماسىزداندىرۇۇعا قاتىشقان جۇمۇشچۇ-قىزماتكەرلەردىن اجاتىنا قاراي، تەكشەرۉۉگۅ داعى 10دون 15 گە چەيىن تۉر قوشۇلات.

   ۉرۉمچۉ شااردىق قوومدۇق قامسىزداندىرۇۇنۇ باشقارۇۇ مەكەمەسىنىن ورۇنباسار مەكەمە باشچىسى ۋاڭ جئيانۋەي، قوومدۇق قامتاماسىزداندىرۇۇعا قاتىشقان جۇمۇشچۇ-قىزماتچىلارعا، بەلگىلەنگەن دوقتۇرقانا تىزمەسى، دەن سوولۇق تەكشەرۉۉ تۉر مازمۇنۇ جانا بااسى، دوقتۇرقانا مەنەن الدىن كەلىشۉۉ تەلەفونۇ قاتارلۇۇلار ۉرۉمچۉ شااردىق ادام كۉچۉ بايلىعى جانا قوومدۇق قامتاماسىزداندىرۇۇ مەكەمەسىنىن ىنتەرنەر جايىتىنا جارىيالانعانىن، كۅپچۉلۉكتۉن تەكشەرىپ كۅرۉۉسۉن، ۅزۉنۉن ۇباقىتى جانا اجاتىنا شايكەشتىرىپ ىلايىقتۇۇ ورۇنداشتىرۇۇ الپارۇۇسۇن، كۅپچۉلۉكتۉن ۇباقىتىن كەچىكتىرۉۉدۅن ساقتانۇۇسۇن ەسكەرتتى.

   كۅڭۉل بۇرۇۇعا تئيىشتۉۉسۉ، شاار- بازار جۇمۇشچۇ-قىزماتكەرلەرىنىن نەگىزگى قوومدۇق قامتاماسىزداندىرۇۇسۇنا قاتىشقاندار، بئر جىل ىچىندە بۉت ەلدىن اقىسىز دەن سوولۇعۇن تەكشەرۉۉدۅن قايرا باارلانۇۇسۇنا بولبويت، بۉت ەلدىن دەن سوولۇعۇن تەكشەرۉۉ اقىسىز تەكشەرۉۉدۅن باارلانعاندار، شاار- بازار جۇمۇشچۇ-قىزماتكەرلەرىنىن اقىسىز دەن سوولۇق تەكشەرتۉۉسۉنۅن باارلانۇۇ بارىشىندا مۇردا باارلانعان 100 يۇان تارتىپ قالىنات.

بايلانىشتۇۇ ماقالا
ىرلار
سايتتىن باسما ۇقۇعۇ شئنجاڭ ەل رادىيو ئستانسىياسىنا تااندىق
بۇل سايتتان ۇرۇقساتسىز ماالىمات الۇۇعا بولبويت.