باشقى بەترادىيو ۇعۇۇىشكەرلەرسۉرۅتتۅر
ىر-كۉۉلۅرسۉرۅتتۅركىلىپتەررادىيو بەرۉۉلۅرۉن تانداپ ۇعۇۇ
جاڭىلىقتار
اپتونوم رايونۇبۇز جاڭى ەنەرگىيالۇۇ كەسىپتەردى زور كۉچ مەنەن ۅنۉكتۉرۉپ،  جاڭى ەنەرگىيالۇۇ كەسىپتەردىن بولوچوعۇ كەنەن بولدۇ
   2017-09-13 19:35:25     xjbs   

ىستانسىيابىز قابارى: 

       اپتونوم رايونۇبۇز جاڭى ەنەرگىيالۇۇ كەسىپتەردى زور كۉچ مەنەن ۅنۉكتۉرۉپ، مول شامال كۉچۉنۅن پايدالانىپ ەلەكتىر چىعارۇۇ، كۉن نۇرۇ ەنەرگىياسىنان پايدالانىپ ەلەكتىر تاراتۇۇدان تولۇق اچىپ پايدالانىپ، جاڭى ەنەرگىيالۇۇ كەسىپتەردىن بولوچوعۇ كەنەن بولدۇ. ىستانسىيابىز قابارچىسى زىڭيە، قۇمۇل ەل رادىيو ىستانسىياسىنىن قابارچىسى جۇ حۇيحاندىن قابارى.

    جاقىندا، قومۇل شاارى ەۋىرعول رايوندۇق  كۅچۅ اپتوبۇز باش شەرىكتىگى جاڭى ەلەكتىرلۉۉ  كۅچۅ اپتوبۇزۇنان 12 نى كىرگىزىپ قاتتادى . كۅچۅ اپتوبۇز شوپۇرۇ پولوت ىسمايىل ۉچ ايلىق تەحنىكالىق جۅندۅم تاربئيالووسۇنان كىيىن، ئراسىمىي قىزمات وردۇنا چىقتى. ال مىنداي دەدى:- اياباي ىراقات ەكەن، ىزى-چۇۇ دا از، چۅيرۅ دا قورعويت ەكەن.

   ەۋىرعول رايوندۇق كۅچۅ اپتوبۇز باش شەرىكتىگى پارتئيا ياچايكاسىنىن ورۇنباسار شۇجئسى فىڭ لئىحوڭ قابارچىعا مىنداي دەدى:- ەلەكتىر ەنەرگىيالۇۇ  اپتوبۇزدار ماي كۉيگۉزۅ تۇرعان ماشئنالارعا سالىشتىرعاندا، ۉچتۅن بئر بۅلۉك ەنەرگىيا ۅنۉمدۅيت. بئز ەلەكتىرلەشكەن قۇمۇل قۇرۇپ چىعۇۇ چاقىرىعىنا دىلگىر ۉن قاتىپ، نۇقۇرا ەلەكتىر مەنەن جۉرۅ تۇرعان كۅچۅ اپتوبۇزۇنان 42 نى، نۇقۇرا ەلەكتىرلۉۉ تاكسىدان 60 دى ساتىپ الىپ، قۇمۇل شاار تۇرعۇندارىنىن جاشىل تۉستۉۉ، چۅيرۅ قورعوپ ساپارعا چىعۇۇسۇنا ۅزۉبۉزدۉن سالىمىبىزدى قوشتۇق.

  قومۇل شاارى ماملەكەت داراجالۇۇ ۇنىۋەرسال ەنەرگىيا بازاسى ايرىقچا ماملەكەت جانا اپتونوم رايون تۉيۉندۉۉ باردىققا كەلتىرىپ جاتقان 10 مئلىيون كىلوۋاتتىق فوتوۋولت ەلەكتىر چىعارۇۇ بازاسى بولعوندۇقتان، ەنەرگىيا قاينارى ابدان مول، كۅپتۅگۅن ەلەكتىر تاراتۇۇ كەرقانالارىنىن قۇمۇلدان ورۇن- وچوق الۇۇعا ەلەكتىردى، ۇچۇردا، قۇمۇلدۇن ەلەكتىر تورۇندا جاڭى  ەنەرگىيالۇۇ گەنىراتورلور سىيىمدۇۇلۇعۇ 12 مئلىيون كىلوۋاتتان اشىپ، بۉت گەنىراتۇرلار سىيىمدۇۇلۇعۇنۇن 64.8 پايىزىن تۉزۉپ، جەتەرلۉۉ تازا ەنەرگىيا قومۇلدۇن ەلەكتىر ەنەرگىياسىن ورۇن الدىرۇۇنۇ جايىلدىرۇۇسۇن ىشكە اشىرىپ، تابئيعى گازدۇۇ  كۅچۅ اپتوبۇزدارىنان ەلەكتىرلۉۉ كۅچۅ اپتوبوزدۇرۇنا، كۅمۉردۉ جاعىپ جىلۇۇلۇق مەنەن قامدوودون ەلەكتىردى جاعىپ جىلۇۇلۇق مەنەن قامدووعو ۅزگۅرۉپ، شاار، ايىل- قىشتاقتارداعى ەلەكتىر شايماندارىن ىشتەتەتۇرعان ۉي- بۉلۅلۅر تەز ارتىپ، 500 مىڭدەن اشۇۇن قومۇلدۇق ەلەكتىرلەشكەن قومۇلدۇن تۇرمۇشقا الىپ كەلگەن ىڭعايلۇۇلۇعۇ جانا تەزدىگىنەن سەزىنىپ جاتات.
     
   قالىڭ چەت، الىسقى مالچارباچىلىق، دىيقانچىلىق رايونۇنداعى ەل ۉچۉن العاندا، جاڭى ەنەرگىيا الاردىن تۇرمۇشۇن زامانداشقان تۇرمۇشقا ارىش تاشتاتتى. اپتونوم رايوندۇن چەت، الىسقى رايوندورۇ كۉن نۇرۇ ەنەرگىياسىنان پايدالانىپ ەلەكتىر چىعارۇۇ، شامال ەنەرگىياسىنان پايدالانىپ ەلەكتىر چىعارۇۇ قۇرۇلۇشۇن زور كۉچ مەنەن قۇلاچ جايدىرىپ، بئر قانچا كىرىستالدۇۇ تاقتاي، چاقان تىپتەكى شامال كۉچۉنۅن پايدالانىپ ەلەكتىر چىعارۇۇ جابدۇۇسۇ ارقىلۇۇ، چەت، الىسقى دىيقانچىلىق، مال-چارباچىلىق رايونۇنداعى دىيقان، مالچىلاردىن ۅندۉرۉش، تۇرمۇشۇنداعى چوڭ ماسەلەلەردى چەچتى. كەلپىن وودانى ۉيۉرچى ايىلى تىرەك اۋات قىشتاعىنىن تۇرعۇنۇ ەرمىدىن تۇرسۇن مىنداي دەدى:- ەلەكتىر جوق كەزىندە، قاراڭعى تۉشكۅندۅ بئر ۉي- بۉلۅ كىشىلەرى ەمنە قىلاارىبىزدى بىلبەي قالچۇبۇز، ازىر مۇزداتقىچ، كىر العى، چۅنتۅك تەلەفۇندۇ ىشتەتىپ، بالدار مولتى فىلم كۅرۉپ، اياباي جاقشى بولدۇ.

     ەلەكتىر بولعوندو، انى ساتقالى دا بولوت. ەنەرگىيا چىعارۇۇ ماسەلەسىن چەچۉۉ ۉچۉن، اپتونوم رايونۇبۇز باتىش تۉندۉك نەگىزگى ەلەكتىر تورۇ مەنەن ەلەكتىردى تورلوشتۇرۇۇ جولۇ جانا تۉشتۉك قومۇل _ جىڭجۇ ۅزگۅچۅ جوعورۇ باسىمدۇۇ تۇرۇقتۇۇ ەلەكتىر جەتكىزۉۉ قۇرۇلۇشۇن الدى- ارتى بولۇپ قۇردۇ. ازىر، شئنجاڭ چىعىش جۇڭعاردان انحۉيدۉن تۉشۉگۉنۅ چەيىنكى پئلۇس-مئنۇس 1100 كىلوۋولتتۇق ۅزگۅچۅ جوعورۇ باسىمدۇۇ تۇرۇقتۇۇ ەلەكتىر جەتكىزۉۉ قۇرۇلۇشۇ چۇقۇل قۇرۇلۇش الىپ بارىپ جاتات، 2018- جىلى بۉتۉپ ىشتەتىلەت. قۇرلۇشتۇن سانجى الماشتىرۇۇ پونكىتى تۉرۉنۉن دىرىكتورۇ تان چئبىن ووراقتانىپ مىنداي دەدى:- تۉر بۉتكۅندۅن كىيىن، ار جىلى چىعىش جۇڭعار رايونۇ چىعىش جۇڭگو رايونۇنا 66مئلىيون كىلوۋات ساات ەلەكتىر جەتكىزەت. بۇل تۉر ازىرىنچا دۉينۅ بويۇنچا ەلەكتىر باسىمى ەڭ جوعورۇ، جەتكىزىلگەن ەلەكتىر سىيىمدۇۇلۇعۇ ەڭ چوڭ، جەتكىزۉۉ ارالىعى ەڭ الىس بولعون ۅزگۅچۅ جوعورۇ باسىمدۇۇ تۇرۇقتۇۇ ەلەكتىر جەتكىزۉۉ قۇرۇلۇشۇ، تەحنىكا دەڭگەەلى ەڭ وزوت بئر تۉر سانالات.
    
  ساندۇۇ ماالىماتتاردا كۅرسۅتۉلۉشۉنچۅ، بىيىل تەكە جە 6- ايعا چەيىن، شئنجاڭدىن كۉن نۇرۇ ەنەرگىياسىنان پايدالانىپ ەلەكتىر چىعارۇۇ گەنىراتۇرلار سىيىمدۇۇلۇعۇ 9 مئلىيون 76 مئڭ كىلوۋات بولۇپ، ماملەكەت بويۇنچا الدىنقى ورۇندا تۇرعان، شامال كۉچۉنۅن پايدالانىپ ەلەكتىر چىعارۇۇ گەنىراتۇرلار سىىيىمدۇۇلۇعۇ 18 مئليون 354 مئڭ كىلوۋات بولۇپ، ماملەكەت بويۇنچا ەكىنچى ورۇندا تۇرات ەكەن.

جاقىنقى جىلداردان بەرى، جۇڭگو ەلەكتىرگە قارجى سالۇۇ شەرىكتىك توبۇ، داتاڭ، جۇڭگو ەنەرگىيا ۉنۅمدۅۅ شەرىكتىگى سىياقتۇۇ 8 ەنەرگىيا كەرقاناسى شئنجاڭدىن چەت، الىسقى رايونۇندا فوتو ۋولتتۇق ەلەكتىر ىستانسىيالارىن قۇرۇپ، دىيقان، مالچىلارعا فوتوۋولتتۇق ەلەكتىر تاراتۇۇ سىستەماسىن قولدونۇپ، اقسىز ەلەكتىر مەنەن قامداپ، 201 مئڭ كىشىنىن ەلەكتىر ىشتەتۉۉ ماسەلەسىن چەچتى.

ماملەكەتتىك ەلەكتىر تورۇ شئنجاڭ ەلەكتىر شەرىكتىگى ەلەكتىر ەنەرگىياسىن نەفىت حئمىيا ۅنۅر جاي ەنەرگىياسىنىن وردۇنا الدىرىپ، «ەلەكتىرلەشكەن شئنجاڭ» ىستىراتەگىياسىن جولعو قويۇپ، ەنەرگىيادان پايدالانۇۇ ۅنۉمۉن جوعورۇ كۅتۅرۉپ، تۉتۉندۅردۉن ەنەرگىيا ىشتەتۉۉ ۅزدۉك نارقىن تۅمۅندۅتتۉ. ازىرعا چەيىن، ەلەكتىر ەنەرگىياسى وردۇن الۇۇ تۉرۉ 6408 گە جەتىپ، وردۇن العان ەلەكتىر ەنەرگىياسى چەنەمى 7 مئليارت 800 مئلىيون كىلوۋات سااتقا جەتىپ، تۉندۉكتۅكۉ شاارلاردىن ەلەكتىر ەنەرگىياسى كۅمۉر ەنەرگىياسىنىن وردۇن الۇۇسۇنداعى قىمباتتۇۇ تاجئرىيپا مەنەن قامدادى.

بايلانىشتۇۇ ماقالا
ىرلار
سايتتىن باسما ۇقۇعۇ شئنجاڭ ەل رادىيو ئستانسىياسىنا تااندىق
بۇل سايتتان ۇرۇقساتسىز ماالىمات الۇۇعا بولبويت.