باشقى بەترادىيو ۇعۇۇىشكەرلەرسۉرۅتتۅر
ىر-كۉۉلۅرسۉرۅتتۅركىلىپتەررادىيو بەرۉۉلۅرۉن تانداپ ۇعۇۇ
جاڭىلىقتار
 ايىل-قىشتاقتاعى قىزمات وردۇندا بەكەم تۇرعان ماملەكەتتىك وزوت وقۇتۇۇچۇ پۇ جىيالىياڭ
   2017-09-13 19:27:36     xjbs   

ىستانسىيابىز قابارى :

     اراشان وودانى تاشىيۇ ايىلدىق بوربوردۇق باشتالعىچ مەكتەپ وقۇتۇۇچۇسۇ پۇ جىيالىياڭ، 28 جىلدان بەرى باشتا-بويعو ايىل-قىشتاق وقۇتۇۇ ىشتەرى الدىنقى چەبىندە بەكەم تۇرعان. ال «مەەرىمدۉلۉك جەتكىرۉۉ ارقىلۇۇ اعارتۇۇ ىشتەرىن جارقىتۇۇنۇ» ۅزۉنۉن ساباق ۅتۉۉدۅگۉ ەڭ اسىل ساپاتىنىن بئرى قاتارىندا قاراپ، مەەرىمدۉلۉك جەتكىرۉۉ ارقىلۇۇ كىشى تاربئيالاپ، استايدىلدۉلۉك جانا جووپكەرچىلىك ارقىلۇۇ وقۇۇچۇلاردىن كۅڭۉلۉن جىلىتىپ، بالداردىن سوو-ۅسۉپ جەتىلۉسۉنۅ شارت تۉزگۅن.اراشان ووداندىق رادىيو ىستانسىياسىنىن قابارچىسى چىنشىڭ، دابشلەتىندىن بەرگەن قابارى.

     تۉشتۅن مۇردا، تاشىيۇ ايىلدىق بوربوردۇق باشتووچ مەكتەپ 4-جىلدىق كىلاسىندا، پۇ جىيالىياڭ مۇعالئم ۇچۇردا بالدارعا حانزۇچا قاتتى كۅركۅمدۅپ جازۇۇنۇ ۉيرۅتۉپ جاتقان ەلە.

    پۇ جىيالىياڭ : « قول-بۇتۇ جەرگە تىيبەي شاشىلىش بولۇۇ، بۇل جەردە سوڭقۇ بئر تال حانزۇچا ارىپتىن جانىنا كۉن دەگەن قوشۇمچا ارىپتۇۇ قات جازىلابى جوق؟ جازىلات، وو، اندا بۇل ابدان تۇۇرا، وقۇۇچۇلار بۇل ساباقتاشىبىزعا جىلدىز بەلگىسىن بەرسەك بولوبۇ جوق؟ بولوت، اندا بەرەلى...

    پۇ جىيالىياڭ : «ساباققانانى وقۇۇچۇلارعا بەرىپ، وقۇۇچۇلاردى ساباق ۉيرۅنۉدۅ ۅزدۅرۉنۅ ۅزۉن قوجو قىلۇۇبۇز كەرەك. وقۇۇچۇلاردىن ساباق بئلگەنىن جانا بئلبەگەنىن باالوو جاعىندا، بئز جىلدىز بەلگىسى، اي بەلگىىسى جانا كۉن بەلگىسىن بەرىپ داراجاسىن جوعورۇلاتۇۇ فورماسىندا بالوو الىپ بارىپ، وقۇۇچۇلاردىن ساباققا بولعون قىزعىندۇلۇعۇن قوزعوتوبۇز. ار بئر وقۇۇچۇنۇن ساباق ماالىنداعى ناتىيجاسى بەش تال جىلدىز بولعوندورۇنا داراجاسىن جوعورۇلاتىپ بئردەن اي بەلگىىسىن بەرەبىز، بەش اي بەلگىسى تولعوندو الارعا داعى داراجاسىن جوعورۇلاتىپ بئر كۉن بەلگىسىن بەرىپ، وقۇۇچۇلارعا قاراتمالۇۇ تۉردۅ سىيلىق بەرىپ شىقتاندىرام»، دەيت.

     بۇل بئر قانچا جىلدان بەرى شاار-بازارلاشۇۇ قۇرۇلۇشۇنا ەەرچئي، كۅپتۅگۅن بالدار اتا-ەنەلەرىن ەەرچئپ ايىل-قىشتاقتاردان ايرىلىپ شاارعا كەلىپ تۇرمۇش كەچىرىپ، كەەبئر مۇعالئمدەر دا ايىل-قىشتاقتارداعى مەكتەپتەردىن ايرىلعان. بئروق پۇ جىيالىياڭ باشتان-بويعو بۇل جەردە بەكەم تۇرۇۇسۇنداعى سەبەپ، ايىل-قىشتاق بالدارى بۇل مۇعالئمگە ابدان اجات ەكەن.

     انقارجان ىسىمدۇۇ وقۇۇچۇ حانزۇچا ارىپتى انچا جاقشى جازالبايت ەلە، پۇ جىيالىياڭ مۇعالئم ۇباقىتى بولعوندو ەلە بۇل وقۇۇچۇنۇ جەتەكتەپ بئر ارىپ بئر ارىپتان حانزۇچا قات جازۇۇنۇ ماشىقتىرعان : « بئز سەگىز ارىپتى جاقشى بئلۉۉبۉز كەرەك، مئسالى حانزۇچا ارىپتىن ۇزۇن-تۇۇراسى، استى-ۉستۉن كەلتىرىپ جاقشى جازۇۇنۇ ۉيرنۉم كەرەك، مەنىن قات جازۇۇ دەڭگگەلىن جوعورۇلاسا، كەلەچەكتە جاقشى قوتورموچۇ بولۇپ، بۉت دۉينۅنۉ قىدىرالام، بۇل ەمنە دەگەن جاقشى ىش دەڭىزچى».
انقارجان : « پۇ مۇعالئم كىلاسىبىزداعى باردىق ساباقتاشتارعا ابدان جاقشى مامىلە جاسايت، بئز باردىعىبىز پۇ مۇعالئمدى جاقشى كۅرۅبۉز»،دەيت.

     اعارتۇۇدا الدى مەنەن كىشى تاربئيالوو كەرەك، كىشى تاربئيالوودو وبولۇ مۇرال جاعىنان تاربئيالوو كەرەك دەگەن بۇل كۉندۅلۉكتۉ وقۇۇ ىشتەرىندە ايتىلعان ويچۇلداردىن سۅزۉن، پۇ جىيالىياڭ مۇعالئم ئش-جۉزۉندۉلۉككۅ بئرگەلەشتىرىپ، مايرام-ەس الۇۇ كۉندۅرۉ، ساباق سۉيلۅۅ ماالىندا، پىيونەرلەر اتىرەتى جىينالىشىندا، وقۇۇچۇلارعا مەكەن سۉيۅردۉك، زاكون-تۉزۉم قووپسۇزدۇعۇ، القىش ايتۇۇ تاربئياسى، ۇلۇتتار ىنتىماقتۇلۇعۇ، ۇلۇۇلاردى ۇرماتتاپ، كىچۉۉلۅردۉ ىزاتتوو، ەمگەكتى سۉيۉۉ جاعىنداعى تاربئيالاردى كەڭىرى قۇلاچ جايدىرعان : « مەنىمچە ايىل-قىشتاقتارداعى ار بئر وقۇۇچۇلارعا كىلاستا الارعا جووپتۇ بولۇپ، الارعا ەڭ زور تىرىشچاندىعىم مەنەن تاربئيالاپ، وقۇۇچۇلارعا مەەر-ماحابات مەنەن مامىلەدە بولعوندو انان ۅزۉمدۉن قىزماتىمدى استايدىلدۉلۉك مەنەن جاقشى ىشتەگەن بولوم»، دەيت.

بايلانىشتۇۇ ماقالا
ىرلار
سايتتىن باسما ۇقۇعۇ شئنجاڭ ەل رادىيو ئستانسىياسىنا تااندىق
بۇل سايتتان ۇرۇقساتسىز ماالىمات الۇۇعا بولبويت.