باشقى بەترادىيو ۇعۇۇىشكەرلەرسۉرۅتتۅر
ىر-كۉۉلۅرسۉرۅتتۅركىلىپتەررادىيو بەرۉۉلۅرۉن تانداپ ۇعۇۇ
جاڭىلىقتار
بالدار ۉچۉن قووز كەلەچەك اچۇۇ
   2017-09-13 13:47:33     xjbs   

      مەكىت وودانى شەيىتدۅڭ ايىلى يۅتاڭ قىشتاعىنىن تۇرعۇنۇ سەيىت قادىر ۉچۉن العاندا، بىيىلقى كۉزدۅ بالاسىنىن قىشتاقتا جاڭىدان قۇرۇلعان دىلدەش كۅپۅرۅ بالدار باقچاسىنا بارىپ وقۇعانى ال ۉچۉن ەڭ ەلە قۇبانىچتۇۇ ئش بولدۇ. سەيىت قادىر قابارچىعا مىنداي دەدى:- بالدار باقچاسى بىيىل اياق وونا جە 8- ايدا بۉتتۉ، تازا، كەڭىرى بولۇپ ەلە قالباي، تۉردۉۉ جابدۇۇلارى تولۇق. بالداردىن جاتاق، تاماق، ۉيرۅنۉۉ چۅيرۅسۉ ابدان جاقشى، بئز قاتىرجامبىز. مۇردا بئز وقۇعاندا شارتىبىز ناچار بولچۇ، ازىرقى بالدارىبىز باقىتتىن ىچىندە جاشايت.

    دىلدەش كۅپۅرۅ بالدار باقچاسىنىن باشچىسى لئى جىياڭيان مىنداي دەدى:- بالدار باقچاسىنىن مۇعالىمدەر بۉتۉندۅي قوش تئل وقۇتۇۇچۇلارى، كۉندۅلۉك وقۇتۇۇ ىشتەرىندە، بئز بالداردىن ۉيرۅنۉۉ قىزىندۇۇلۇعۇن جەتىشتىرگەندەن بۅلۅك، بالداردىن ماملەكەت تئلى تاربئياسىنا ايرىقچا ماانئي بەردىك. بئز داعى جۇڭگونۇن جۅرۅلگۅلۉۉ مادانئياتىن نەگىز قىلعان ۅزگۅچۅ كىلاستاردى اچىپ، بالدارعا ۉچ قاتتۇۇ سۅزدۅر، ادام بولۇۇ جولۇ سىياقتۇۇلاردى ۉيرۅتۉپ، بالدارعا كىچى كەزىنەن جۇڭگونۇن جۅرۅلگۅلۉۉ مادانئياتىن سەزىندىرىپ، جۇڭگونۇن جۅرۅلگۅلۉۉ مادانئياتىن ۉيرۅتۅبۉز.

     ايىل-قىشتاقتاردىن مەكتەپكە كىرۉۉنۉن الدىنداعى قوش تئل اعارتۇۇسۇن جالپى بەتكەي جوعورۇ كۅتۅرۉۉ، بالدار باقچاسىنا كىرۉۉ جاشىنداعى بالداردىن بالدار باقچاسىنا كىرۉۉسۉنۅ، جاقشى ۉيرۅنۉۉسۉنۅ كەپىلدىك قىلۇۇ ۉچۉن، بىيىل ، اپتونوم رايونۇبۇز «ايىل-قىشتاقتارداعى قوش تئل بالدار باقچاسىن ۅزگۅرتۉپ كەڭىرتىپ قۇرۇۇ قۇرۇلۇشۇن» باشتاپ، بىيىلقى جاڭى وقۇۇ مەزگىلى باشتالعاندا، اپتونوم رايونۇبۇزدۇن ايىل-قىشتاقتارىنداعى بئر مئلىيون 100 مئڭدەن اشۇۇن بالا باقچاسىنا كىرۉۉ جاشىنا تولعون بالاقايلار جاڭى كىلاستارعا كۅچۉپ كىردى.
   
      اعارتۇۇ شئنجاڭدىن بولوچوعۇن جاراتات. اپتونوم رايوندۇق 9- جولقۇ پارتئيا قۇرۇلتايىنان بەرى، اپتونوم رايونۇبۇز اعارتۇۇعا قارجى سالۇۇ ەپكىنىن ۇلاندۇۇ اشىرىپ، كۅپ چارالاردى قولدونۇپ، قوش تئل اعارتۇۇسۇ، مىلدەتتۉۉ اعارتۇۇنۇن تەڭشى ۅنۉگۉۉسۉ، مەكتەپكە كىرۉۉنۉن الدىنداعى اقىسىز اعارتۇۇ، وقۇتۇۇچۇلار قوشۇۇن قۇرۇلۇشۇ سىياقتۇۇ قىزماتتاردى باچىمداتىپ، اپتونوم رايونۇبۇزدۇن اعارتۇۇ ىشتەرىندە ۉزگۉلتۉكسۉز جاڭى ىلگەرىلۅۅلۅردۉ، جاڭى ۅنۉگۉۉگۅ جەتۉۉگۅ سۉرۅدۉ.
   
      بىيىل كۉزگۉ وقۇۇ مەزگىلى باشتالعاندان بەرى، ۉرۉمچۉ شاارى ايىل-قىشتاقتاردىن مەكتەپكە كىرۉۉنۉن الدىنداعى ۉچ جىل اقسىز اعارتۇۇ نەگىزىندە، شاار- بازارلاردىن ەكى جىلدىق اقسىز اعارتۇۇسۇ ساياساتىن جولعو قويۇپ، ايىل-قىشتاقتاردا 15 جىلدىق، شاار- بازارلاردا 14 جىلدىق اقسىز اعارتۇۇنۇ جولعو قويدۇ. 2018- جىلدىق كۉزگۉ وقۇۇ مەزگىلىندە، بۉت شااردا 15 جىلدىق اقسىز اعارتۇۇنۇ نەگىزىنەن ىشكە اشىرات. مىندان بۅلۅك، ۉرۉمچۉ شاارىنداعى 70 مىڭدەن اشۇۇن بالا اقسىز باعىلۇۇ، كىتەپ اقىسى، اش- تاماق تولۇقتاما جاردام اقچاسى، جىلىنۇۇ اقىسى سىياقتۇۇ جەڭىلدىك بەرۉۉ ساياساتتارىنان باارلانات. ۉرۉمچۉ شااردىق اعارتۇۇ مەكەمەسىنىن باشچىسى لئيۇجىيەن مىنداي دەدى: 15 جىلدىق اقسىز اعارتۇۇ، بئزدىن باش نئشااندى جۉزۅلۅشتۉرۉپ، باش نئشاانعا تەيلۅۅ جۉرگۉزۉۉبۉزگۅ كەپىلدىك قىلىپ ەلە قالباي، جاش ۅسپۉرۉمدۅر، بالاقايلاردىن بالدار باقچاسىنان تارتىپ، تولۇق ورتو مەكتەپ باسقىچىنا چەيىن، ەل اعارتۇۇ سىستەماسىنا تۅتۅلۅي كىرگىزىلىپ، اعارتۇۇ قالىپتاشتىرىلىپ، جاش ۅسپۉرۉمدۅر تولۇمدۇۇ قۇرۇۇچۇلاردان جانا ىشەنىمدۉۉ ئش باسارلاردان بولۇپ جەتىشىپ چىعات.
   
    اپتونوم رايونۇبۇزدۇن اعارتۇۇ ىشتەرىنىن وموقتۇۇ، سوو ۅنۉگۉۉسۉن باچىمداتۇۇ، تاربئيالوو، وقۇتۇۇ دەڭگەەلىن چىنىعى جوعورۇ كۅتۅرۉۉ ۉچۉن، اپتونوم رايونۇبۇز داعى جوعورۇ ساپاتتۇ وقۇتۇۇچۇلاردى سۇنۇش قىلۇۇ، وقۇتۇۇعا جاردام بەرۉۉ قىيمىلىن كەڭىرى قۇلاچ جايدىرۇۇ سىياقتۇۇ چارالاردى قولدونقۇۇ ارقىلۇۇ، وقۇتۇۇچۇلار كۉچۉن بئردەمجىي تولۇقتادى. قاراقاش وودانى تۇۋات ايىلدىق بوربوردۇق بالدار باقچاسىندا وقۇتۇۇعا جاردام بەرۉۉ قىزماتىن قۇلاچ جايدىرىپ جاتقان لئما مىڭلۇ _ اپتونوم رايوندۇن جوعورۇ ەل سوت مەكەمەسى اقى تالاپ ىشتەرى ەكىنچى سوتۇنۇن سوتچۇ جاردامچىسى، وشوندوي ەلە اپتونوم رايونۇبۇزداعى تۉشتۉك شئنجاڭدىن ايىل-قىشتاقتارىنداعى قوش تئل بالدار باقچاسىنا وقۇۇعا جاردام بەرۉۉگۅ تانداپ جىبەرىلگەن 3 مئڭ ۅكۉمۅت قىزماتكەرىنىن بئرى، بىيىل، ال جاڭىدان سالىنعان سۅگۅتتۉك قىشتاقتىق بالدار باقچاسىندا وقۇتۇۇچۇلۇق قىلۇۇعا بۅلۉندۉ. ال مىنداي دەدى:- الدىبىزداعى بئر جىلدىق ۉيرۅنۉۉ نئشاانى بولسو، بۇل جاڭىدان سالىنعان بالدار باقچاسىنداعى كۅپ مەدئيالۇۇ جابدۇۇلار ارقىلۇۇ، بالدارعا سىرتقى دۉينۅنۉ تۉشۅندۉرۉپ، الاردىن نازار دايراسىن اچۇۇ، ال ەمى، مەنى مەنەن ۇچۇراشۇۇ ارقىلۇۇ، الاردا ماملەكەت تئلىن جاقشى ۉيرۅنۉپ، مەەرى- ماحابات جانا القىش بئلدىرۉۉ سەزىمىن جەتىلدىرۉۉدۅن تۇرات.
 
   قاراقاش وودانى تۇۋات ايىلى سۅگاتلىك قىشتاقتىق بالدار باقچاسىنىن باشچىسى چىن لئن مىنداي دەدى:- كەەبىر نەرسەلەر جەرگىلىكتەكى وقۇتۇۇچۇلار ۉيرۅنۉپ دا بولو البايتۇرعان روحتور، بئز لئما مىڭلۇ سىياقتۇۇ وقۇتۇۇعا جاردام بەرۉۉگۅ كەلگەن مۇعالىمدەردەن داعىدا وزوت تاربئيالوو تاانىمىن ۉيرۅنۉپ، ايىل-قىشتاقتىق بالدار باقچابىزدى ورتوق قۇرۇۇ ىشتەرىن داعىدا جوعورۇ بەلەسكە كۅتۅرۉۉنۉ ۉمۉت قىلابىز.
    
      سان- سىفىرلار ارقىلۇۇ، قولعو كەلتىرىلگەن ىيگىلىكتەرگە نازار:  اپتونوم رايونۇبۇز قوش تئل اعارتۇۇسۇن دىلگىر باچىمداتىپ، 2020- جىلعا بارعاندا، از ساندۇۇ ۇلۇت وقۇۇچۇلارىنىن ماملەكەت ورتوق قولدونۇلمالۇۇ تئل جازۇۇسۇن نەگىزىنەن ەەلەپ ىشتەتۉۉسۉنۅ كەپىلدىك قىلات. بىيىل، اپتونوم رايونۇبۇزدۇن جەر-جەرلەرى ايىل-قىشتاقتارداعى قوش تىلدۉۉ بالدار باقچالارىنان4387 جاڭىدان جانا ۅزگۅرتۉپ سالىپ  شئنجاڭ بويۇنچا ايىل-قىشتاقتاردىن مەكتەپكە كىرۉۉنۉن الدىنداعى ۉچ جىلدىق اقسىز اعارتۇۇسۇن جالپىلاشتىردى. بىيىل، اپتونوم رايونۇبۇز «شئنجاڭ مەكتەپكە كىرۉۉنۉن الدىنداعى بالداردىن قوش تئل وقۇتۇۇچۇلارى ۅزگۅچۅ قىزمات وردۇ» پئلانىن جولعو قويۇۇ ارقىلۇۇ، مەكتەپكە كىرۉۉنۉن الدىنداعى اعارتۇۇعا 3500 وقۇتۇۇچۇ قابىلدادى. «اپتونوم رايونۇبۇزدۇن مەكتەپكە كىرۉۉنۉن الدىنداعى اعارتۇۇ جانا مىلدەتتۉۉ اعارتۇۇ باسقىچىنداعى وقۇتۇۇچۇلار ۅزگۅچۅ قىزمات وردۇ» پئلانىن قوزعوتۇپ جولعو قويۇۇ ارقىلۇۇ، مەكتەپكە كىرۉۉنۉن الدىنداعى اعارتۇۇعا 6 مئڭ وقۇتۇۇچۇنۇ قابىلدادى.
 
    وشونۇ مەنەن قاتار، 2016- جىلى 3 مئڭ كادىردى تۉشتۉك شئنجاڭدىن ايىل-قىشتاقتارىنداعى قوش تىلدۉۉ بالدار باقچاسىنا اعارتۇۇعا جاردام بەرۉۉگۅ جىبەرۉۉ نەگىزىندە، داعى جاڭىدان قابىلدانعان 3 مئڭ ۅكۉمۅت قىزماتكەرى مەنەن جاڭىدان قابىلدانعان 2 مئڭ وقۇتۇۇچۇنۇ، بىڭتۇان كادىرلارىنان 2 مئڭدى تۉشتۉك شئنجاڭدىن بالدار باقچاسىنا اعارتۇۇعا جاردام بەرۉۉگۅ كۅبۅيتۉپ جىبەرىپ، مەكتەپكە كىرۉۉنۉن الدىنداعى قوش تئل اعارتۇۇسۇنۇن بۉتۉندۅي، تولۇعۇ مەنەن قاپتالۇۇسۇنا كەپىلدىك قىلدى. 

      ادىستەردىن چەچمەسى: اپتونوم رايوندۇن 9-جولقۇ پارتئيا قۇرۇلتايىندا:-اعارتۇۇ ارقىلۇۇ ەلگە نارىپ جەتكىرۉۉدۅ بەكەم تۇرۇپ، اعارتۇۇ ىشتەرىنىن ۅنۉگۉۉسۉن تەزدەتۉۉ ورتوعو قويۇلعان. بئر سىيرا اعارتۇۇ جاعىنان ەلگە نارپ جەتكىرۉۉ ساياساتى اپتونوم رايونۇبۇزدۇن اعارتۇۇ ىشتەرىنىن ۅنۉگۉۉسۉن زور داراجادا جىلىشتاتىپ، ارۇلۇت بالدارىن وقۇي العىداي، جاقشى وقۇپ بئلىم العىداي مۉمكۉندۉككۅ جەتكىردى. اپتونوم رايوندۇق پارتئيا مەكتەپ شئنجاڭ ەكونومىكا قوومۇن ۅنۉكتۉرۉۉنۉ ىزىلدۅۅ بوربورۇنۇن مۇدۇرۇ جئى سۇلئن مىنداي دەدى:-سەبەبى بئزدىن شئنجاڭدىن اعارتۇۇسۇندا داعى ەلە بئر قىيلا السىز القاق بار، اعارتۇۇ جاعىنا جوعورۇ داراجادا قور سالىپ، كۉچۅپ جىلىشتاتۇۇبۇز كەرەك. مئسالى: 15 جىلدىق اقىسىز اعارتۇۇ بۇل 9 جىلدىق مىلدەتتۉۉ اعارتۇۇعا سالىشتىرعاندا 6 جىل كۅبۅيدۉ، مىنداي بولعوندو وقۇۇچۇلاردىن مادانئيات ساپاتى، ئلىم-تەحنىكا، ئلىم-بئلىم دەڭگەەلى جوعورۇ كۅتۅرۉلۉپ، داعىدا جاقشى اعارتۇۇ، داعىدا وزوت ئدىيالىق تاربئيانى قابىلدوو ارقىلۇۇ دووردۇن العا ىلگەرلۅۅ ارىمىنا جەتىشىپ باسات. بۇل شئنجاڭدىن ئش جۉزۉندۉك ابالىنا قاراتا كۅرگۅن ئش-چاارا، ايرىقچا قوش تئل اعارتۇۇسۇ، ماملەكەتتە بىردەي قولدونۇلاتۇرعان تئلدى جالپىلاشتىرۇۇ بئر قىيلا زور ەپكىنگە اجات، بۇل قىزماتتى نەگىزىنەن تارتىپ بەكەم قارماپ، ۇزۇن مەزگىلدۉۉ نەگىزگى قۇرۇلۇشۇن بەكەم باشقارىپ، ۇزۇن مەزگىل ۇلاندىرۇۇبۇز كەرەك. بۇل بئزدىن قووم وموقتۇۇلۇعۇ جانا ۇزاققا بەيپىل باشقارۇۇ باش نئشااندى ىشكە اشىرۇۇبۇزعا قاراتا ابدان زارىل ماانىگە ەە. بالدارعا كىچىنەسىنەن اتا-مەكەن چوڭ ۉي-بۉلۅۅسۉنۉن جىلۇۇ مەەرىمىن، اتا-مەكەندىن ۅنۉگۉپ-كۉچتۅنگۅنۉن سەزىندىرۉۉبۉز كەرەك.

بايلانىشتۇۇ ماقالا
ىرلار
سايتتىن باسما ۇقۇعۇ شئنجاڭ ەل رادىيو ئستانسىياسىنا تااندىق
بۇل سايتتان ۇرۇقساتسىز ماالىمات الۇۇعا بولبويت.