باشقى بەترادىيو ۇعۇۇىشكەرلەرسۉرۅتتۅر
ىر-كۉۉلۅرسۉرۅتتۅركىلىپتەررادىيو بەرۉۉلۅرۉن تانداپ ۇعۇۇ
جاڭىلىقتار
ار قايسى جاقتاردىن جاردامىندا جىڭ وودانى جەر تىتىرۅۅ اپات رايونۇنداعى قالايىق- قالىقتىن نورمال تۇرمۇشۇ كەپەلەتكە ەە بولدۇ
   2017-08-11 13:27:37     xjbs   

جىڭ وودانىندا 6.6 بال جەر تىتىرەگەندەن كىيىن جەر تىتىرۅۅ، ۅرت ۅچۉرۉ، ەل ىشتەرى، سالاماتتىقتى ساقتوو سىياقتۇۇ قاتىشتۇۇ تارماقتار تەزدىك مەنەن جەر تىتىرۅۅگۅ تەڭ تايلاش تۇرۇپ اپاتتان قۇتقارۇۇعا ۇيۇمداپ، اپاتقا ۇچۇراعان قالايىق- قالىقتى جاقشى ورۇنداشتىردى.   

تۉشتۅن مۇردا ساات 11 دە، جىڭ ووداندىق ەل دوقتۇرقاناسى  بالنىتسا بۅلۉمۉندۅ دوقتۇر جەر تىتىرۅۅدۅ پۇتۇ جارالانعان جئن لىيۇجوڭدۇن دەن- سولۇق ابالىنا باالوو الىپ بارىپ وپەراتسىياعا داياردىق كۅرۉپ جاتتى. جئن لىيۇجوڭ مىنداي دەدى:« ازىر بۇتۇمدۇن شىشىگىنىن جانۇۇسۇن كۉتۉپ جاتابىز، انان وپەراتسىيا قىلات، ساات 7 دە جەر تىتىرەپ جارالانعانىپ 10 قانچا مئنوتتان كىيىن ەلە مەنى داحىيانزە سالاماتتىقتى ساقتوو دوقتۇرقاناسىنا الىپ باردى، سىرتتا ەلە ۅكۉل سالىپ، چۇقۇل تەز قۇتقارۇۇ الىپ بارىپ، تۅتۅ سۉرۅتكۅ الىپ، دۇقتۇرلار ابدان شاشىلىش ىشتەدى». 
جەر تىتىرەگەندەن كىيىن اپتونوم رايوندۇق سالاماتتىقتى ساقتوو پئلاندۇۇ تۅرۅت كومىتەتى داروو جوعۇشتۇۇ وورۇلاردىن الدىن الۇۇ تىزگىندۅۅ ادسىتەرىن، نەرۋ تىشقى بۅلۉم، سۅۅك بۅلۉم دارىلوو ادىستەرىن جىڭ وودانىنا جارالانعانداردى دارىلووعو جىبەردى، ازىرعا چەيىن جەر تىتىرۅۅ جارالانعان 32 ادام جەرگىلىكتۉۉ دارىلوو اپپاراتتارىندا ماالىندا دارىلاندى.

اياق وونانىن جە 8- ايدىن 10- كۉنۉ تۉشتۅن مۇردا بورتالا وبىلاستىق قووم قووپسۇزدۇق ۅرت ۅچۉرۉۉ تارماق اتىرەتى ۅرت ۅچۉرۉۉ وفىتسەر- جووكەرلەردى ۇيۇمداپ، قووپسۇزدۇققا كەپەلەتتىك قىلعان نەگىزدە اپاتقا ۇچۇراعان قالايىق- قالىقتىن ۉيۉندۅكۉ قىمبات باالۇۇ بۇيۇمدارىن كۅچۉرۉسۉنۅ جاردام بەردى. بورتالا وبىلاستىق قووم قووپسۇزدۇق ۅرت ۅچۉرۉ تارماق اتىرەتىنىن باشچىسى  باي رۇجىياڭ قابارچىعا مىنداي دەدى:« اياق وونانىن جە 8- ايدىن 9- كۉنۉ ساار ساات 7 دەن 45 مئنوت ۅتكۅندۅ ۅرت ۅچۉرۉۉ تارماق اتىرەتى قۇتقارۇۇعا جاردام بەرۉۉ كۉچتۅرۉن چوعۇلتۇپ اپاتقا ۇچۇراعان ناق مايدانعا جەتىپ بارىپ، قۇتقارۇۇ قىزماتىن باشتاپ، تەزدىك مەنەن قامالىپ قالعان ەلدەردى قۇتقارۇۇ قىزماتىن قۇلاچ جايىلتىپ، دىلگىرلىك مەنەن ەكىنچى جولۇ اپات زىيانىنا ۇچۇروسۇنۇن الدىن الىپ، اپاتقا ۇچۇراعان ەلدى ورۇنداشتىرعان جەردە ۅرتتۅن قورعوونۇ بويۇنچا تەكشەرۉۉ، ۅرتتۅن قورعوونۇ ۉگۉتۉن الىپ باردىق، گۇرۇپپاعا بۅلۉنۉپ قاپسالىپ قالعان ەلدىن ۉيۉندۅكۉ بۇيۇمداردى تاراقايلاشتىردىق».
ۇچۇردا اپتونوم رايونۇبۇز 5 مئللىيون يۇان اپاتتان قۇتقارۇۇ قارجىسىن چۇقۇل تۉشۉرگۅن بولۇپ، ەل ىشتەر تارماقتارى 1500 چاتىردى چۇقۇل تاشىعان، شئنجاڭ قىزىل چىرىم قوومۇ 500 كەرەبەتتى چۇقۇل جەتكىرىپ، اپاتتان قۇتقارۇۇ چاتىرلارىن تىگىپ، بالدار باقچاسى، مەكتەپ، قىشتاق داراجالۇۇ مادانئيات وردۇندا ىشتەتىپ، 10 مئڭ 500 ادامدى قوتورۇپ ورۇنداشتىردى.
 
    تۉشتۅ ساات 11 دە جىڭ وودانى تولى بازارى ۇلانداندىعا قىشتاعى مادانئيات سارايى ەل مايدانىنداعى ورۇنداشتىرۇۇ تۉيۉندۅ ارت- ارتىنان ىس- تۉتۅك كۅتۅرۉلدۉ، قىشتاق تۇرعۇندارى تاماق ۉستۅلۉن تەگەرەكتەپ ولتۇرۇپ تۉشكۉ تاماق جەەشكە داياردىق كۅردۉ، ۇلاندانداعى قىشتاعىنىن تۇرعۇنۇ بۇيۇندەلگىر مىنداي دەدى:« بۇل جەرگە كەلىپ بئر سااتتان كىيىن بۇل چاتىرلار تىگىلدى، بارى كەلىپ بىزگە جاردام بەردى، تاماق دا جاسايبىز، تۉشتۅ پولو جەەمەكچى بولۇپ جاتابىز، سااردا قۇرۇما جەەپ، سۉت چاي ىچتىك».
ۇچۇردا اپاتقا ۇچۇراعان رايوندۇن قابارلاشۇۇ، سۇۇ، گاز، ەلەكتىر مەنەن قامدوو نورمال بولۇپ، اپاتقا ۇچۇراعان قالايىق- قالىق ورۇنداشتىرىلىپ، جەر تىتىرۅۅگۅ تەڭ تايلاش تۇرۇپ اپاتتان قۇتقارۇۇداعى ار تۉردۉۉ قىزماتتار تارتىپتۉۉ مىقتۇۇ الىپ بارىلىپ جاتات.

بايلانىشتۇۇ ماقالا
ىرلار
سايتتىن باسما ۇقۇعۇ شئنجاڭ ەل رادىيو ئستانسىياسىنا تااندىق
بۇل سايتتان ۇرۇقساتسىز ماالىمات الۇۇعا بولبويت.