باشقى بەترادىيو ۇعۇۇىشكەرلەرسۉرۅتتۅر
ىر-كۉۉلۅرسۉرۅتتۅركىلىپتەررادىيو بەرۉۉلۅرۉن تانداپ ۇعۇۇ
جاڭىلىقتار
«جىبەك جولۇ»بايىرقى مەزگىلىندەكى ۇلامىش جانا ۅزگۅرۉش
   2017-08-10 12:48:03     xjbs   

قارا تاش چىمىگەن قىشتاعىنىن تۇرعۇنۇ ايگۉل چوق الىپ تاماق جاسووعو دايارلاندى (باش وونانىن 21-كۉنۉ تارتىلعان سۉرۅت)

ار جىلى باش وونا(7-اي) جە اياق وونا (8-اي)ايلارىندا مۇزتوو چوقۇسۇنۇن بوورۇنا جايعاشقان قىزىلتوو ايىلى قاراتاش چىمىگەن قىشتاعىنداعى چارباچىلار ات جانا ەشەكتەرگە مئنىپ، باردىق بال-بارانىن الىپ، تاتاال جىلعالاردى كەسىپ ۅتۉپ، بايىرقى «جىبەك جولۇ»نداعى تار چاربا جولۇندا تىرىكچىلىك ۉچۉن جاپالۇۇ ساپارلارعا اتتانات. پامىر بىيىكتىگىنىن دەڭىز جۉزۉنۅن ورتوچو بىيىكتىگى 3000 مەتىردەن اشۇۇن بولۇپ، كۅك اسمان مەنەن بوي تالاشقان ەگىز توو جانا جىلعا اراسىندا بايىرقى سوودا كەربەندەرىنىن سوودا جولۇ ساقتالىپ قالعان. مۇنۇن ىچىندە قاراتاش چىمىگەن قىشتاعىنداعى چارباچىلاردىن «فانتازىيالىق بەيىش»ى بولعون بئر جول بولۇپ، دەڭىز جۉزۉنۅن 4100 مەتىر بىيىكتىكتەگى جازدىق جايلووعو جالعاشات. بۇل جەرگە بارۇۇ ۉچۉن قىزىلتوو ايىلىنداعى توولۇ رايون ارقىلۇۇ دەڭىز جۉزۉنۅن 4000 مەتىر بىيىكتىكتەگى توولاردان ۅتۉپ، جانا بئر تار جىلعادان ۅتۉۉگۅ تۇۇرا كەلەت. چارباچىلار بۇل جاپالۇۇ ساپاردا جول بويۇ ار چوڭ تاشتارعا جولۇعۇپ، تايعاق جولدوردۇ باسىپ، توو-تاشتاردان اشىپ، سۇۇ كەچىپ 10 قانچا ساات جول جۉرۉپ كۅزدۅگۅن نئشاانعا جەتىپ بارات. بۇل جەردە وت-چۅپتۅر قويۇۇ ۅسۉپ، جاپايى گۉلدۅر اچىلىپ تۇرات. الىسقا گۅز چاپتىرساڭىز قۇدۇم بئر پارچا گىلەم توو بوورۇنا جابىلعانداي كۅركۅم كۅرۉنۉش قۇچاق اچىپ، مۇز توو چوقۇسۇنان بۇلۇت جانا تۇماندار قالقىپ، جاقىن جەردەگى اق ۉيلۅردۉن موورۇنان چىققان قويۇۇ ىش-تۉتۉن كۅك اسمانعا كۅتۅرۉلۉپ، جۅنۅكۅي بئروق ماانىلۉۉ جاشوو كارتەناسى كۅز الدىڭىزعا تارتىلات.

قاراتاش چىمىگەن قىشتاعىنىن 195 چارباچى ۉي-بۉلۅسۉ بار، مۇنۇن ىچىندە 132سى كەدەي ۉي-بۉلۅ بولۇپ، جىلدىق كىرەشەسى 2500 يۇانعا دا جەتبەيت. بۇل قىشتاق اقتوو وودانىنىن ىچكەرىسىندەگى ۅزگۅچۅ قىيىنچىلىعى بار رايون ەسەپتەلەت. الاردىن كەدەيلىكتەن قۇتۇلۇۇسۇنا جاردام بەرۉۉ ۉچۉن، وشول جەرلىك ۅكۉمۅت 2020-جىلعا چەيىن بۇل جەردەگى باردىق كەدەي ۉي-بۉلۅنۉ تۉركۉمگۅ بۅلۉپ اقتوو وودانىنىن وودان بازارى ايلاناسىنا كۅچۉرۉپ، الاردى ۉي جانا جاشىلچا پارنىگى مەنەن اقسىز قامداش جانا ەمگەك كۉچتۅرۉن جۅتكۅپ جۇمۇشقا ورۇنداشتىرۇۇ، ۅز جەرىندە جۇمۇشقا ورۇنداشتىرۇۇ سىياقتۇۇ ارعالار ارقىلۇۇ الاردىن كىرەشەسىن اشىرىپ، بايۇۇعا جاردام بەرۉۉسۉن چەچىم قىلعان. بۇل جەردەن ايرىلۇۇعا كۅزۉ قىيباعان بولسوداعى، بئروق بۇل چەچىم قىشتاقتاقىلاردىن قولدووسۇنا ەە بولعون. بىيىل 30 جاشقا كىرگەن قىشتاق تۇرعۇنۇ مامبەت قوجو مىنداي دەدى:-«تۇرمۇش شەكىلىندە ۅزگۅرۉش بولوت، بئروق كۅركۅم تۇرمۇشقا بولعون ارزۇۇبۇز ۅزگۅربۅيت. ۇشۇنداي ناچار چۅيرۅدۅ بئز ۉمۉتتۉۉلۉك مەنەن تۇرمۇش ۅتكۅرۉپ كەلدىك، توودان تۉشۉپ بۉتۉندۅي جاڭىچا بولعون تۇرمۇش شەكىلىنەدا اقىرىن-اقىرىن كۅنۉپ قالابىز»،-دەدى. (شئنحۇا تورۇ، جاڭ ۋىنياۋ فوتوسۇ)

 

 

بايلانىشتۇۇ ماقالا
ىرلار
سايتتىن باسما ۇقۇعۇ شئنجاڭ ەل رادىيو ئستانسىياسىنا تااندىق
بۇل سايتتان ۇرۇقساتسىز ماالىمات الۇۇعا بولبويت.