باشقى بەترادىيو ۇعۇۇىشكەرلەرسۉرۅتتۅر
ىر-كۉۉلۅرسۉرۅتتۅركىلىپتەررادىيو بەرۉۉلۅرۉن تانداپ ۇعۇۇ
جاڭىلىقتار
بەيجىن- شئنجاڭ جوعورۇ تەمپتۉۉ تاش جولۇنۇن ۉچ جول بۅلۉگۉندۅ بئر ۇباقتا اپتوۇنا قاتتاپ،شئنجاڭدان چىعاتۇرعان 2-ورۇنداقى جوعورۇ تەمپتۉۉ تاش جولعو ايلاندى
   2017-07-17 12:29:28     xjbs   

       باش وونانىن جە 7-ايدىن 15-كۉنۉ، بەيجىندەن شئنجاڭعا چەيىنكى جوعورۇ تەمپتۉۉ تاش جولدۇن گانسۇۇ مىڭشۉيدەن شئنجاڭ قۇمۇلعا چەيىنكى بۅلۉگۉ، گانسۇۇ بايگىدادان مىڭشۉيگۅ چەيىنكى بۅلۉگۉ، ىچكى موڭعۇل گۇلىنحىدان باي گىداعا چەيىنكى بۅلۉگۉنۅن تۇرعان ۉچ جول بۅلۉگۉنۅ بىردىكتە اپتوۇنا قاتتاپ، لىيەنيۉنگاڭ-قورعوس جوعورۇ تەمپتۉۉ تاش جولۇنان قالسا ەلە 2-ورۇنداقى شئنجاڭدان چىعاتۇرعان جوعورۇ تەمپتۉۉ تاش جولعو ايلاندى.
       تۉشتۅن مۇرۇن، بەيجىن-شئنجاڭ جوعورۇ تەمپتۉۉ تاش جولۇنۇن مىڭشۉيدۅن قۇمۇلعا چەيىنكى جول بۅلۉگۉنۅ اپتوۇنا قاتتوو ازەمى قۇمۇلدۇن لوتوچۇانزى (تۅۅ قوروو) اقى الۇۇ پۇنكىتىندە ۅتتۉ. بەيجىن-شئنجاڭ جوعورۇ تەمپتۉۉ تاش جولۇ-ماملەكەتتىك جوعورۇ تەمپتۉۉ تاش جول تورۇنۇن بوربوردون باشتالعان لەنىياسىنىن تۉندۉك بۅلۉگۉندۅكۉ نەگىزدۉۉ قاتتوو جولۇ بولۇپ، ماملەكەتىبىزدىن چىعىش-تۉندۉك، تۉندۉك جۇڭگو، باتىش-تۉندۉك رايوندورۇ، بوربور ازىيا، التۇرعاي ەۋروپاعا باراتۇرعان ەڭ ىڭعايلۇۇ تاش جول قاتتوو تۉيۉنۉ سانالات. بەيجىن-شئنجاڭ جوعورۇ تەمپتۉۉ تاش جولۇ بەيجىندەن باشتالىپ، حىبىي، ىچكى موڭعۇل، گانسۇۇ قاتارلۇۇ جەرلەردى باسىپ ۅتۉپ، اقىرى بەكەتى شئنجاڭ ۉرۉمچۉگۅ كەلەت، جالپى ارالىعى 2مئڭ 768 كىلومەتىر. تاش جول بۉتۉپ، قاتتوو باشتالعاندان كىيىن، بەيجىن مەنەن شئنجاڭدان تۇرعان ەكى جەر بۉتكۉل لەنىيا بويۇنچا جوعورۇ تەمپتى ىشكە اشىرىپ، 1مئڭ 300 كىلومەتىر قىسقارات.
      اپتونوم رايوندۇق قاتتوو تاشىمال نازاراتىنىن ورۇن باسار نازىرى لئ جىنوڭ:-ىچكەرى ۅلكۅلۅر مەنەن بولعون ارالىعىبىزدى جاقىنداشتىردى، شئنجاڭدان چىققان 2-چوڭ جوعورۇ تەمپتۉۉ تاش سانالات، انىن قۇرۇلۇشۇ بئزدىن ىچكەرى ۅلكۅلۅر مەنەن بولعون بايلانىشىبىزدى كۉچۅتۉپ، ساياقات، توۋار جۉگۉرتۉۉسۉنۉن وشوندوي ەلە جىبەك جولۇ ەكونومىكالىق القاعىنىن ۅنۉگۉۉسۉن جىلىشتاتۇۇدا ابدان زارىل ماڭىزعا ەە، دەدى. 
     بەيجىن-شئنجاڭ جوعورۇ تەمپتۉۉ تاش جولۇنۇن ىچكى موڭعۇل اپتونوم رايونۇ بۅلۉگۉندۅكۉ جالپى ۇزۇندۇعۇ 930كىلومەتىر بولۇپ، ماملەكەتىبىز بويۇنچا ەڭ ۇزۇن جوعورۇ تەمپتۉۉ تاش جول تۉرۉ سانالات؛ گانسۇۇ ۅلكۅسۉندۅكۉ بۅلۉگۉ 134 كىلومەتىر، شئنجاڭ مىڭشۉيدۅن قۇمۇلعا چەيىنكى بولعون ارالىعى 178 كىلومەتىر، باشتالىش تۉيۉنۉ شئنجاڭ مەنەن گانسۇنۇن اشتاشقان جەرىندەكى مىڭشۉيگۅ جاقىن جەردە، بايشانچۇان، قوش قۇدۇق ايىلى، ۋۇتوڭ داچۇان، جىڭحۇاڭ تاش جولۇ، يازىچۇاندەردى باسىپ ۅتۉپ، قومۇلدۇن لوتو چۇانزى (تۅۅ قوروو) دەگەن جەرىنە كەلىپ توقتويت، ۅلكۅلۉك جولدۇن 30-لەنىياسى بولعون لىيەنيۉنگاڭ-قورعوس ماملەكەتتىك جوعورۇ تەمپتۉۉ تاش جولدۇ اشتاشتىرات. بۇل جول شئنجاڭ تەڭىرتوو تۉندۉگۉندۅكۉ ەكونومىكا القاعىنىن چىعىش بۅلۉك ووزۇن اچىپ، بۉتكۉل كۉن بويۇ شئنجاڭعا كىرىپ-چىعاتۇرعان قاتتوو 2-چوڭ قاتتوو كۉرۅۅ جولۇن قالىپتاشتىرىپ، «بئر القاق بئر جول»قۇرۇلۇشۇن سىزىل جىلىشتاتۇۇدا ابدان زارىل ماڭىزعا ەە. قومۇل شااردىق قاتتوو-تاشىمال مەكەمەسى پارتىگۇرپپاسىنىن شۇجئسى باي جىيەنگو مىنداي دەدى:-وبۇروت ۅزدۉك نارقىن الىپ ايتساق، از دەگەندە اربئر تونناسىنىقى 390 يۇاندان تۅمۅندۅيت، 1مئڭ 300 كىلومەتىر جولدو قانچا ون توننا جۉك تاشىعاندا بايلانىشتۇۇ اقىلاردى كۅپ ەلە ازايتىپ قالعالى بولوت ەكەن. بولوچوقتو وبۇروت سالااسى زور جىلىشتوولورعو ەە بولوت، بۇل جولعو اپتوۇنا قاتتالسا بئزدىن قاتتوو زارىل تۉيۉنۉ بولۇۇ وردۇبۇز داعىدا جوعورۇلاپ، داعىدا كۅرنۉكتۅنۅت.
     بىيىل اپتونوم رايونۇبۇز نەگىزگى جابدۇۇ قۇرۇلۇشتارىنا قارجى سالۇۇ ەپكىنىن اشىرىپ، 2017-جىلى بۉتكۉل قووم بويۇنچا تۇرۇقتۇۇ مۉلۉككۅ قارجى سالۇۇ 1تئرىليون 500مئليارت يۇانعا جەتكىرەت ەكەن. مىندا، تاش جول قۇرۇلۇشۇنا قارجى سالۇۇ بئر قىيلا چوڭ سالىشتىرمانى ەەلەپ، «جوعورۇ تەمپتۉۉ تاش جول تورۇن شىدىرلاشتىرۇۇ، ماملەكەتتىك جانا ۅلكۅلۉك نەگىزگى جولدوردۇن ساپاتىن جوعورۇ كۅتۅرۉۉ، ايىل-قىشتاق تاش جولۇ ارقىلۇۇ ەلگە نارىپ جەتكىرۉۉ، ەلدىن كۅڭۉلۉن جىلىشتاتۇۇ، چەك ارانى بەكەمدەپ، مالچارباچىلىقتى ۅنۉكتۉرۉۉنۉن بااردىعىن تولۇق قامتاماسىزداندىرىپ، تاشىمال تەيلۅۅ ساپاتىن جوعورۇ كۅتۅرۉۉدۅي»بەش چوڭ قۇرۇلۇشتۇ تۉيۉندۉۉ جۉرگۉزۉپ، تاش جول قۇرۇلۇشۇنا جالپى 200مئليارت يۇان قارجى سالۇۇنۇ ىشكە اشىرات.
    بىيىل، بۉتكۉل شئنجاڭ بويۇنچا جالپى 4مئڭ 300 تاش جول قاتتوو قۇرۇلۇش تۉرۉ بار بولۇپ، اپتونوم رايون ۅكۉمۅت مەنەن قوومدۇق كاپىتالدىن قىزماتتاشۇۇ ىڭعايى ارقىلۇۇ قولدوو ەپكىنىن داعى بىردەمجىي اشىرىپ، پايدالۇۇ چۅيرۅلۅردۉ جاراتىپ، ۅكۉمۅت مەنەن قوومدۇق كاپىتالدىن قىزماتتاشىپ ۅنۉگۉۉسۉنۅ سۉيۅنۉپ، شئنجاڭ ەكونومىكا قووم ۅنۉگۉۉسۉ جاڭىچا قىيمىلداتقىچ كۉچ قوشوت. ۇچۇردا، اپتونوم رايوندۇق قاتتوو-تاشىمال نازاراتىنىن ۅكۉمۅت مەنەن قوومدۇق كاپىتال قىزماتتاشۇۇ تۉرۉنۅن 11 بار بولۇپ، جالپى 21مئليارت 100مئليون يۇان قارجى سالىنعان.
بايلانىشتۇۇ ماقالا
ىرلار
سايتتىن باسما ۇقۇعۇ شئنجاڭ ەل رادىيو ئستانسىياسىنا تااندىق
بۇل سايتتان ۇرۇقساتسىز ماالىمات الۇۇعا بولبويت.