باشقى بەترادىيو ۇعۇۇىشكەرلەرسۉرۅتتۅر
ىر-كۉۉلۅرسۉرۅتتۅركىلىپتەررادىيو بەرۉۉلۅرۉن تانداپ ۇعۇۇ
جاڭىلىقتار
ۉرۉمچۉدۅن حوتەنگە بارۇۇچۇ T9526 ىرەتتىك  پويۇز جولعو چىقتى
   2017-03-30 16:43:55     xjbs   

چىن قۇراندىن جە 3-ايدىن 25-كۉنۉ، ۉرۉمچۉدۅن حوتەنگە بارۇۇچۇ T9526 ىرەتتىك «ۇلۇتتار ىنتىماقتاشىپ، بئر ۉي-بۉلۅۅ كىشىلەرىندەي جاشايلى»اتىنداقى پويۇز جولعو چىقتى. ساپار ۉستۉندۅ دايىما كۉتۉلبۅگۅن ىشتەر كۅرۉلۉپ تۇرات، اندايدا « ۇلۇتتار ىنتىماقتاشىپ بئر تۇۇعانداي جاشايلى» اتىنداعى پويۇزدۇن تۇنعۇچ ساپارىندا قانداي اڭگەمەلەر بولدۇ ەكەن؟ ىستانسىيابىز قابارچىسى لانتىيان، جئنلەيدىن قابارى.

     چىن قۇراندىن جە 3- ايدىن 25-كۉنۉ تۉشتۅن مۇردا، بىيىل 65 جاشقا چىققان گوڭ حۇاجى ۉرۉمچۉ ايالداماسىنان جولعو چىعىپ، «ۇلۇتتار ىنتىماقتاشىپ بئر تۇۇعانداي جاشايلى» اتتۇۇ ۅزگۅچۅ جۉرگۉنچۉلۅر پويۇزۇنۇن تۇنعۇچ تۉركۉمدۅگۉ جۉرگۉنچۉسۉنۅ ايلاندى. تۉستۉۉ جالتىراقتار مەنەن ىچكەلەي جايعاشتىرعان ۋاگوندور، جانعا جايلۇۇ ىراقات ارى تازا كەرەبەتتەر جانا پويۇز ۋاگونۇنۇن ئچىنىن ارقانداي جەرىنەن ۇلۇتتار ىنتىماقتۇۇلۇعۇنا بايلانىشتۇۇ سۅزدۅردۉن باردىعى گۇڭ حۇاجىعا بئر باشقاچا جاڭىچا سەزىم بەردى.  

  پويۇزدۇن اقىرىن جىلىپ جولعو چىعۇۇسۇنان ۇلام، گۇڭ حۇاجى الىپ باسقان بئر قانچا سومكە جۉك-تاق انى بئراز قىينووعو سالعانداي بولدۇ، بۇل كەزدە پويۇز باشچىسى مەەرىبان ەيىت ناق گوڭ حۇاجىنىن جانىنان ۅتۉپ باراجاتقان ەلە، ال داروو ىشتىكتۉۉلۉك مەنەن بۇل چوڭ ەنەنىن جۉك-تاقتارىن ىرەتتۉۉ قويۇۇسۇنا جاردام بەردى. كۅپچۉلۉكتۉن شايكەشۉۉسۉندۅ، گوڭ حۇاجىنىن ەمەرەگى تەز ەلە جايىنا تۉشتۉ. شايىر مۉنۅز گوڭ حۇاجى مەەرىباندىن قولۇن قىسا قارماپ انى بئز از ولتۇرۇۇعا سۇنۇشتاعاچ القىش سۅزدۅرۉن ايتىپ ۉلگۉردۉ. اڭگەمەلەشۉۉ بارىشىندا، مەەرىبان گوڭ ايىمدىن دايىما ۅزۉ جالعىز ۉرۉمچۉ مەنەن قاشقار ارالىعىندا بارىپ-كەلەتۇرعانىن بىلگەندەن كىيىن اعا قوشوقتوشۇپ تۇۇعانداشۇۇ سۇنۇشۇن ورتوعو قويدۇ. گوڭ حۇاجى داروو ەلە ماقۇل بولۇپ، مىنداي دەدى:- مەەرىبان ابدان جاقشى قىز ەكەن، پويۇزعا چىعىشم مەنەن ماعا جاردامداشىپ ەمەرەگىمدى قويۇشۇپ بەردى. بۉگۉن بۇل پويۇزعا ولتۇرعانىمان ابدان قۇبانىچتامىن،  تۇۇعانداشىپ، بئر ۉي بۉلۅ كىشىلەرىندەي جاشايىم، انى ۅكۉل قىز قىلىپ الدىم. تۇۇعان بولۇپ قالدىق، ەمى مىندان كىيىن دايىما بايلانىشىپ تۇرابىز، ۉيگۅ قايتىپ بارعاندا، بالدارىما بۇل قۇبانىچتۇۇ ئشتى بئرىنچى بولۇپ ايتام، بئز بااردىعىبىز بئر ۉي-بۉلۅۅ كىشىلەرىندەي ىنتىماقتۇۇ جاشايبىز.

     بىيىل 62 جاشقا كىرگەن ەحمەت ماقسۇت قارعالىق وودانى قارعالىق بازارىنىن تۇرعۇنۇ بولۇپ، جاقىندا ۉرۉمچۉگۅ بارىپ جۉرۅگۉن تەكشەرتىپ ۉيۉنۅ قايتتى. پويۇز قىزماتكەرى رىيسا تۇرعۇن بەلەت تەكشەرۉۉ بارىشىندا انىن ابالىنان قابار الىپ، دىلگىرلىك مەنەن تاماق الىپ بەرىپ، سۇۇ جەتكىرگەن ارى بۇل كىشى مەنەن تەلەفون نومۇر قالتىرىشىپ، قوشوقتوشۇپ تۇۇعانداشقان. ەحمەت ماقسۇت قولۇنداعى قوشوقتوشۇپ تۇۇعانداشۇۇ كارتاسىن كۅرۉپ ابدان قۇبانعانىنان تۉردۅ: « رادىيودون دايىما قوشوقتوشۇپ تۇۇعانداشۇۇ دەگەن قاباردى كۅپ ۇعۇپ، كۅپچۉلۉك مەنەن بئر ۉي-بۉلۅ كىشىلەرىندەي بولۇۇنۇ ەڭسەگەمىن. ويلوبوعون جەردەن بۉگۉن پويۇزدا بۇل قوشوقتوشۇپ تۇۇعانداشۇۇ مەەر-ماحاباتىن سەزىندىم. مەن دايىما ۉرۉمچۉگۅ وورۇ كۅرسۅتكۅلۉ بارىپ تۇرام، رىيسا ماعا قانداي قىيىنچىلىق بولسو باردىعىن ايتىپ تۇرۇۇمدۇ سۇراندى. مەن مىنداي بئر جاقىن تۇۇعانىم بولعونۇنان ابدان قۇباندىم»، دەدى.

      ۉرۉمچۉ تەمىرجول مەكەمەسى كورلا جۉرگۉنچۉلۅردۉ تاشمالدوو بۅلۉگۉ حوتەن بئرىنچى اتىرەتى پارتئيا باش ياچايكاسىنىن ورۇن باسار شۇجئسى شى جئيامىن تاانىشتىرىپ مىنداي دەدى:-23 سااتتىق ساپار بارىشىندا، جالپى 4 پويۇز قىزماتكەرى جۉرگۉنچۉلۅر مەنەن تۇۇعانداشتى. بئز بۇل پويۇزدۇ سالۇۇ ارقىلۇۇ جۉرگۉنچۉلۅر مەنەن بولعون مەەر-ماحاباتتى جاقىنداتۇۇنۇ ۉمۉت قىلابىز. ۇلۇتتار ىنتىماقتاشىپ بئر تۇۇعانداي جاشايلى دەگەن سۅزدۉن ماڭىزىن قانداي بەينەلەيبىز دەگەندە، الدى مەنەن ۅزارا جاردام بەرىشىپ، جاقشى تەيلۅۅبۉز ارقىلۇۇ جۉرگۉنچۉلۅرگۅ جىلۇۇ مااناي تارتۇۇلوو ارقىلۇۇ بەينەلەيبىز.

بايلانىشتۇۇ ماقالا
ىرلار
سايتتىن باسما ۇقۇعۇ شئنجاڭ ەل رادىيو ئستانسىياسىنا تااندىق
بۇل سايتتان ۇرۇقساتسىز ماالىمات الۇۇعا بولبويت.